Pierce Brosnan: Tom Hardy duhet të jetë Bond i ri

Pavarësisht nga spekulimet, Daniel Craig do të luajë një film të ri rreth James Bondit, por ka të ngjarë të jetë roli i fundit si Bond.

Daniel Craig në tetor të vitit 2015 shprehu dyshime për paraqitjen në vazhdimin e ekskluzivitetit të James Bondit, ku një numër i madh aktorësh janë paraqitur ndër vitesh si agjenti i fshehtë 007.

Megjithatë, Craig nuk u dorëzua për të marrë një rol të tillë dhe dy vjet më vonë pranoi të merrte pjesë në xhirimet e filmit kultit të drejtuar nga regjisori britanik, Danny Boyle.

Kështu, aktori britanik ka konfirmuar se do të luajë rolin e James Bond për herë të pestë dhe të fundit dhe ende nuk është vendosur se kush do ta zëvendësojë atë.

Sidoqoftë, aktori i mëparshëm në rolin e Bondit, Pierce Brosnan, u shfaq në media dhe sugjeroi një aktor që mund ta zëvendësoj kur më në fund vendosi të heqë dorë nga ky rol.

Lexo po ashtu Daniel Craig bëhet aktori më i pasur i filmave James Bond

Bëhet fjalë për Tom Hardyn, yllin e serialit “Taboo” dhe të filmi, “Mad Max: Fury Road”.

“Unë mendoj se Tom Hardy mund të jetë një Bond i mirë. Do të doja ta shihja atë në atë rol”, tha Pierce për “The Daily Mail” dhe shtoi se “Nevojitet një aktor që mund ta shkund filmin – kjo është ajo që e bënë Bondin e dashur”.

Ndryshe, Craigun do ta shohim edhe në shumë projekte të ndryshme filmike që do të shfaqen gjatë vitit të ardhshëm në kinematë botërore. /Telegrafi/