Reuters: Pa vende pune, por me energji elektrike të lirë, kosovarët bëjnë ‘minimin’ e kriptovalutave

Çfarë bëni në Kosovë, një nga vendet më të varfëra të Evropës, nëse jeni i papunë, por i ri, i me njohuri kompjuterike dhe i aftë në anglisht? Nëse jeni edhe ndërmarrës, një investim që mund ta konsideroni është ‘kriptovaluta’ ose monedha dixhitale.

“Kosovarët kanë gjetur kriptovalutën si një investim tërheqës. Së dyti, ka pasur shumë para të pista përreth dhe investimi i kriptovaluta ishte një mënyrë e shpejtë për t’i hequr qafe ato”, tha Ermal Sadiku, për Reuters, një inxhinier softuerik dhe ekspert i kriptovalutave, përcjell Telegrafi.

Megjithatë, pengesat për hyrje në kriptovaluta nuk janë të papërfillshme.

Bitcoin fitohet duke ‘minuar’ – ose përdorur kompjuterin tuaj për të ndihmuar në përpunimin e transaksioneve dixhitale që mbështesin monedhën.

Kjo kërkon një kapacitet të madh dhe shumë energji elektrike.

Kosova ka një avantazh të madh: çmimi i rrymës është më e lira në Evropë në rreth 7 cent / kWh, krahasuar me një mesatare prej rreth 19 cent në Britani të Madhe.

Me këtë çmim, kushton pak më shumë se 3,000 dollarë shpenzime në energji elektrike për të minuar një Bitcoin, rreth gjysma e vlerës aktuale të tregut të monedhës.

Pastaj ekziston investimi në hardware – që do të thotë Njësi e Përpunimit Grafik (GPU) – të dizajnuara për volum të madh të llogaritjeve të njëkohshme.

Kastriot Kolgeci, 26 vjeç, një zhvillues i softuerit nga Prishtina, tha se ishte bashkuar me tre të tjerë për të investuar 60 mijë euro (70,500 dollarë) për të ndërtuar një kompjuter – ose “platformë miniere” – me 480 GPU fuqi kompjuterike.

Një investues në Bitcoin tha se një platformë prej 100 GPU mund të fitojë 2,700 euro në muaj bazuar në vlerën aktuale të Bitcoinit, duke marrë një faturë mujore të energjisë prej rreth 900 euro (1,040 dollarë).

“Kosovarët duan t’i kopjojnë gjërat shpejt. Nëse një adoleshent po bën para me monedha, ai do t’u tregojë të gjithë miqve të tij dhe para se ta dini, të gjithë janë duke u minieruar”, tha Dite Gashi.

Minierat e monedhave janë veçanërisht të popullarizuara në veri të Kosovës, kryesisht të populluara serbe që nuk i njohin autoritetet e Kosovës dhe refuzojnë të paguajnë faturat.

Biznesi nuk është aspak aq i dobishëm sa ishte kur Bitcoin ishte në kulmin e dhjetorit prej gati 20 mijë dollarë, pasi investitorët shqetësohen se autoritetet monetare do të gjejnë mënyra për të rregulluar një monedhë dixhitale thjesht që anashkalon sistemin bankar botëror.

Për t’i bërë gjërat edhe më keq, çmimi i GPU-ve është rritur ndjeshëm, në mes të 100 dollarë dhe 1,000 dollarë secila, varësisht nga fuqia përpunuese, të paktën pjesërisht për shkak të kërkesës së minatorëve të Bitcoinit.

Një minator i Bitcoinit në Kosovë tha se ai ishte në gjendje të fitonte 500 dollarë në muaj në vitin 2017, në një nivel me një pagë mesatare, por se kjo tani ishte përgjysmuar.

Gjysma e 1.8 milion banorëve të Kosovës janë nën 25 vjeç, por gjysma janë të papunë. Dhe gjysma e popullsisë së rritur thonë se duan të lëvizin jashtë vendit për t’iu ikur korrupsionit.

Milioneri i kriptovalutave, Milot Mehmeti e quajti barin e tij në Prishtinë sipas krijuesit të Bitcoinit, Satoshi Nakamoto. Klientët e tij mund të paguajnë për një kafe ekspres me Bitcoin, ose të blejnë dhe depozitojnë ato nëpërmjet një ATM-je.

Me një ekonomi të tillë, disa nga paratë që shkojnë në platformat e minierave ka të ngjarë të rrjedhin nga njerëzit që duan të pastrojnë fitime të dyshimta, madje apartamente mund të blihen me Bitcoin. /Telegrafi/