Aksident i rëndë, vdes 17 vjeçari nga Sankoci i Drenasit

Një i ri ka humbur jetën rreth orës 13:30, në një aksident me motoçikletë në fshatin Sankoc të Komunës së Drenasit.

Rastin e ka konfirmuar për Telegrafin, zëdhënësi i policisë, Bajram Krasniqi.

“Me datën 03.06.2018 rreth orës 13:30 në fshatin Sankoc-Drenas ka ndodhur aksident komunikacioni (vetaksident ) ku është e përfshirë një motoçikletë e cila ka humbur kontrollin  dhe ka dalë nga rruga ku si pasoj ka ndërruar jetë ngasësi i motoçikletës”, ka thënë Krasniqi.

Me urdhër të prokurorit trupi i pajetë dërgohet për në obduksion.

Dëshmia se rrugët e Kosovës po bëhen çdo ditë e më të rrezikshme, e tregojnë më së miri statistikat për numrin e aksidenteve nëpër rrugët e vendit.

Në përgjigjen e Policisë së Kosovës për Telegrafin, në katër mujorin e parë (janar – prill) të këtij viti, rezulton se në territorin e Republikës së Kosovës kanë ndodhur 4569 aksidente, nga të cilat 1770 aksidente të cilësuara më “lëndime” dhe 2774 aksidente të cilësuara me “dëme”.

Të dhënat e këtij çerek-viti flasin se 3750 persona janë lënduar në rrugët e vendit, derisa nga 25 aksidente që kanë qenë më fatalitet, 29 persona kanë ndërruar jetë.

Zyrtarët policorë kanë qenë shumë dorëlëshuar me shqiptimin e tiketave, duke lëshuar 118743 sosh, por e cila gjë nuk ka arritur ta frenoj ul numrin e aksidenteve në rrugët e Kosovës. /Telegrafi/