Presidenti i vendit, Hashim Thaçi, pas takimin zyrtar që kishte me përfaqësuesen e lartë të BE-së, Federica Mogherini, si dhe me presidentin serb Alekasandar Vuqiç, ka thënë se faza e re e dialogut nuk do të jetë e lehtë as për Kosovën dhe as për Serbinë.
Ai ka thënë se është i vetëdijshëm se nuk do të ketë fitore 100% për askënd, por ajo që është e sigurt është se edhe Kosova me arritjen e kësaj marrëveshje ligjërisht obligative, por edhe Serbia, do të jenë pjesë e familjes evropiane.
Kjo është deklarata e plotë e presidentit Thaçi dhënë para mediave në Sofje:
“Ishte një takim i rëndësishëm, një takim jashtëzakonisht produktiv. Një takim që diskutuam për të ardhmen evropiane të Kosovës, për procesin e liberalizimit të vizave që Kosova është në rrugë shumë të mbarë, që Kosova ka implementuar të gjitha kriteret, 95 prej tyre të kërkuara nga Bashkimi Evropian, është një vlerësim i lartë.
Në të njëjtën kohë diskutuam në takim të veçantë me zonjën Mogherini, për hapat e mëtutjeshëm që duhet t’i ndërmarrim, është konstatim i përbashkët se pjesëmarrja e Kosovës në këtë Samit të Bashkimit Evropian dhe vendeve të Ballkanit Perëndimor është historik për Kosovën, që nënkupton vlerësim për shtetin e Kosovës, që po konsolidohet dhe afirmohet në rrafshin e një perspektive konkrete të sigurt evropiane.
Në të njëjtën kohë, zonja Mogherini me iniciativën e vet na ka takuar në takim të përbashkët me Presidentin e Serbisë, me të cilin diskutuam për mundësinë që të kemi hapa konkret dhe konstruktiv në procesin e ardhshëm të dialogut mes shtetit të Kosovës dhe Serbisë, për mundësinë e ndërtimit të raporteve të fqinjësisë së mirë, një relacioni evropian, që do të nënkuptonte më tepër paqe dhe stabilitet në tërë Ballkanin Perëndimor.
Është dakordim i përbashkët që dialogu për fazën përfundimtare të filloj në të ardhmen e afërt, të udhëhequr nga zonja Mogherini, me një mbështetje unike të shteteve të Bashkimit Evropian, Shteteve të Bashkuara të Amerikës dhe akterëve tjerë që dëshirojnë të ndihmojnë.
Prandaj, edhe është me të vërtetë një momentum i ri, një momentum që kërkon mobilizim të të gjitha forcave dhe energjive të skenës politike, institucionale, të shoqërisë civile, të mediave edhe në Kosovë, sepse do të jetë një proces jashtëzakonisht i përgjegjshëm, për të marrë edhe përgjegjësi, por në të njëjtën kohë edhe kredi për finalizimin e këtij procesi, që do të nënkuptojë njohjen e Kosovës nga Serbia, dhe anëtarësimin e Kosovës në strukturat e OKB-së.
Natyrisht se procesi nuk do të jetë i lehtë për Kosovën, nuk do të jetë i lehtë as për Serbinë. Jemi të vetëdijshëm se nuk do të ketë fitore 100% për askënd, por ajo që është e sigurt se edhe në Kosova me arritjen e kësaj marrëveshje ligjërisht obligative, por edhe Serbia do të jenë pjesë e familjes evropiane.
Kështu që, do të ruhet integriteti territorial i Kosovës, sovraniteti dhe do të punojmë maksimalisht në frymën evropiane, ngushtë me partnerët ndërkombëtarë, që ky proces të finalizohet suksesshëm, në përputhshmëri me interesat e qytetarëve të Kosovës, në përputhshmëri edhe me interesat e partnerëve tanë strategjikë ndërkombëtarë”, ka thënë Thaçi. /Telegrafi/
Promo
Reklamo këtuLufta Prigozhin - Putin
Më shumëFAZ: Ballkani po mbetet pa popullatë, po popullohet me emigrantë nga Azia
Certifikimi i snajperistëve, Gecaj: Lajm i mirë për Kosovën dhe FSK-në
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Publikohet doracaku zyrtar për dhënien e provimit të patentës së shoferit
Profesori shqiptar nga Londra: Në Britani të Madhe i gjithë spektri politik është pro Kosovës
Polici goditet me veturë, e dyshuara largohet nga vendi i ngjarjes
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe