Thaçi tregon çfarë i tha kancelares Merkel për arrestimin e Gjuriqit

Presidenti serb, Aleksandar Vuçiq në takimin e tij me kancelaren gjermane, Angela Merkel, është ankuar shumë për arrestimin e Marko Gjuriq nga institucionet e Kosovës. Këtë e ka konfirmuar edhe presidenti i Kosovës, Hashim Thaçi, pas takimit që pati me Merkel në Berlin.

“Ne jemi liderë të Ballkanit Perëndimor dhe mbi supe bartim probleme të shumta. Nganjëherë nuk mund të largohemi nga logjika e ankesave të shumta. E di që ka qenë një ankesë e gjatë e autoriteteve të Serbisë sa i përket Gjuriqit”, ka pohuar Gjuriq.

“Diçka e tillë është ngritur nga kancelarja, por shteti i Kosovës është sovran dhe ka proceduarat e veta. Kosovës nuk i është dashur ajo ngjarje, është imponuar dhe është provokuar nga Serbia, por e ka marrë përgjigjen e merituar nga institucionet e vendit”, tha presidenti, në emisionin Zona B në Klan Kosova.

“I kam thënë edhe Merkelit, nëse ai (Marko Gjuriq) është aq shumë i interesuar të vijë në Kosovë, ia japim edhe shtetësinë e Kosovës”, tha ai.

“Unë e respektoj interesimin legjitim për qytetarët e Kosovës, por dua të theksoj se Seria është e interesuar për territor të Kosovës e jo për qytetarët serbë në Kosovë”.

“Dallimi i jonë me Serbinë qëndron në atë se ne punojmë për një të ardhme më të mirë për të gjithë qytetarët, ndërsa Serbia provokon tensione me synime territoriale”, tha Thaçi.