Pas Eurovisionit, Eugent Bushpepa dhe Ermal Meta do të performojnë në Tiranë

Të shtunën mbrëma në skenën e Altice Arena u ngjitën tre shqiptarë, Eugent Bushpepa, Ermal Meta dhe Eleni Foureira.

Genti e përfaqësoi Shqipërinë me këngën “Mall” dhe pas votave të jurisë dhe publikut zuri vendin e 11-të në renditjen e përgjithshme.

.@MetaErmal & @FabrizioMoroOff closing tonight's contest with powerful poetic genius. Bravo👏👏 #ESC2018 #AllAboard #ITA pic.twitter.com/K119FUoNC7

— Eurovision (@Eurovision) May 12, 2018

Ermali dhe kolegu i tij, Fabrizio Moro, e përfaqësuan Italinë me këngën “Non Mi Avete Fatto Niente” duke arritur të renditeshin në vend të pestë.

Ndërkohë që përfaqësuesja e Qipros, Eleni, ishte shumë pranë të triumfonte, por në fund fitorja shkoi për Izraelin, kurse ajo u desh të kënaqej me vendin e dytë.

Pas suksesit të arritur në skenën ndërkombëtare, Meta dhe Bushpepa do të performojnë para publikut shqiptar në Tiranë.

Those notes from @bushpepaeugent never fail to blow us away. He's just taken the roof off the arena here in Lisbon! #ESC2018 #AllAboard #ALB pic.twitter.com/6kMQENYMMv

— Eurovision (@Eurovision) May 12, 2018

Ka kohë që Bashkia e kryeqytetit të Shqipërisë dhe kryebashkiaku Erion Veliaj e kanë konfirmuar performancën e tyre.

Ndërsa edhe pata finales së Eurovisionit, Veliaj u kishte uruar sukses dy këngëtarëve dhe kishte thënë se mezi priste t’i shihte në Tiranë.

Shumë suksese @eugentBushpepa dhe @ermalmetamusic ne finalen e Eurovizion 💪🎼🕺 Mezi pres performancen tuaj ne date 1 qershor ne sheshin Skenderbej. Ju presim 😀🎸🎤

A post shared by Erion Veliaj (@erionveliaj) on May 12, 2018 at 11:53am PDT

“Mezi pres performancën tuaj në datë 1 qershor në sheshin Skënderbej. Ju presim”, ka shkruar kreu i Tiranës. /Telegrafi/