Kampioni e mbyll sezonin me fitore, vendos rekord me 100 pikë në Ligën Premier

Manchester City ka fituar në udhëtim te Southamptoni me rezultat minimal 0-1 dhe një rekord të madh duke mbledhur 100 pikë.

Skuadra e Pep Guardiolas e ka mbyllur me fitore sezonin superior në Ligën Premier, ku u shpallën kampion katër gjiro para fundit.

Pjesa e parë e takimit ishte përafërsisht e barabartë nga të dyja skuadrat, por me Cityn që dominoi në posedimin e topit.

Në pjesën e dytë, City ishte edhe më dominues duke krijuar edhe më shumë raste për gol, por duke iu dhënë mundësinë edhe futbollistëve të rinj të luajnë.

Megjithatë, për të parë golin e desh të presim minutat shtesë, ku ishte pikërisht një rezervistë që shënoi.

Sulmuesi brazilian, Gabriel Jesus ishte ai që shënoi për 0-1 dhe ndeshja përfundoi me fitoren minimale të Cityt.

"JESSUUUUUUUUUUUUUUUS"

Six years to the day Agüero scored the last-minute goal to win Man City's first Premier League title, Gabriel Jesus scores a last-minute goal to make Man City the first team to win 100 points in an English top-flight season. pic.twitter.com/GNgcuftJtu

— Play Squawka Selector for Free (@Squawka_Live) May 13, 2018

Pas kësaj fitore, City e mbyll sezonin e Ligën Premier me plot 100 pikë të tubuara për 38 ndeshje, rekord absolut në kampionatin anglez.

Në anën tjetër, Southamptoni shpëtoi pa rënë nga kategoria, duke e mbyllur sezonin në vendin e 17-të me 36 pikë. /Telegrafi/

https://www.dailymotion.com/video/x6jfuze