Spasovski: Gratë duhet të jenë pjesë e proceseve vendimmarrëse

“Nuk ka dilemë ose dyshim se ku është vendi i femrës në të gjitha rrjedhat shoqërore dhe nëse ajo duhet të jetë pjesë e proceseve vendimmarrëse në shtet”, theksoi sot ministri i Punëve të Brendshme Oliver Spasovski në tribunën me temë “Femrat në shërbimet e sigurisë” në organizim të Këshillit të Sindikatës Policore të Maqedonisë për MPB.

“E keni mbështetjen time për çdo projekt dhe për çdo iniciativë e cila do ta përforcojë besimin e qytetarëve në Ministrinë tonë, por njëkohësisht pozitivisht do të ndikojë edhe në kushtet për punë në Ministri”, tha Spasovski.

Në tribunë fjalim pati edhe sekretarja shtetërore në MPB, Magdalena Nestorovska, me ç’rast theksoi se përvoja tregon se arsimi, dituria dhe aftësitë janë vendimtare që një personalitet të jetë kompatibil për një profesion të caktuar dhe vend pune.

“Vetëbesimi që të luftoni që të avanconi, të ndërmerrni përgjegjësi për obligime të rënda shoqërore dhe shtetërore, fitohet atëherë dhe vetëm atëherë, kur jeni të bindur se dituria juaj dhe aftësitë e juaja do të dalin në sipërfaqe më shpejt dhe më dukshëm nga gjinia juaj. Ju bëjë thirrje të jeni këmbëngulëse në sendërtimin e tuaj arsimor dhe profesional, si dhe në dëshmimin e aftësisë suaj, sepse siguria dhe paqja në botë dhe në shtetin tonë janë tejet të shtrenjta që të mund të lejojmë të jenë udhëheqëse nga zgjidhje kadrovike të cilët janë të bazuar në stereotipe të cilët para shumë kohësh i ka shkelur koha”, tha Nestorovska.