Vuante nga mbipesha dhe problemet shëndetësore pas shtatzënisë, Rrezarta transformohet në emisionin “Metamorfoza”

Emisioni “Metamorfoza” nga Suzana po vazhdon të sjell nga java në javë transformime të pabesueshme të personazheve protagonistë.

Njëra ndër të paraqitur në këtë edicion, ka qenë edhe Rrezarta Fazliu nga Prishtina, e cila kishte shprehur dëshirën e saj për të humbur peshë.

Një dëshirë e tillë i është kthyer në realiteti, kjo pasi ekipi i emisionit “Metamorfoza” bashkë me moderatorin, Suzana Mushkolaj, janë angazhuar që ta ndihmojnë atë në procesin e dobësimit.

Lexo po ashtu Të gjitha lajmet nga emisionit 'Metamorfoza'

Pas shtatë javëve, në episodin e 32-të u prezantuan rezultatet e para që Rezarta kishte arritur në këto shtatë javë, dhe ishin të mahnitshme, kjo pasi ajo kishte arritur të humbiste dhjetë kilogramë.

E gjithë kjo vjen si pasojë e kujdesit në ushqim dhe përkushtimi në palestër, ndihmesë e cila i erdhi nga vet Suzana në bashkëpunim me trajnerin Benet Tolaj, nga qendra e fituesit “Five Star” në Prishtinë.

Rrezarta tregoi në intervistë gjatë emisionit, se në jetë është përballur me sfida të shumta. Kanë qenë shtatzënia dhe periudhat pas lindjes që e kanë lënë në mbipeshë, ndërsa nga gjendja e krijuar, ajo ishte ushqyer pa kontroll.

Moderatorja Mushkolaj e pajisi me plot këshilla rreth ushqyerjes dhe kujdesit në ushqim, të cilat Rrezarta do t’i zbatojë tash e tutje, në mënyrë edhe që të reduktojë problemet me shëndetin, siç kishte dikur.

Dhjetë kilogramë në shtatë javë u pa si një rezultat pozitiv nga trajneri dhe stafi i emisionit, të cilët janë të përkushtuar që jo vetëm te Rrezarta, por edhe te të gjithë protagonistët tjerë, të vazhdojnë me punë duke i ndihmuar ata në humbjen e peshës dhe rregullimin e linjave të trupit. /Telegrafi/