Kalinic e ka rastin e fundit kundër Torinos

Nikola Kaliniç thuhet se nuk do të luajë në pesë ndeshjet e fundit të Serie A.

Sulmuesi kroat në rast se nuk shënon në ndeshjen e mbrëmjes së sotme të Torinos, atëherë më nuk do të ketë rast tjetër për të dëshmuar veten.

Sipas Tuttosport, Kaliniv do të luajë si titullar në takimin e sotëm, ku pavarësisht dështimit për të realizuar gol ndaj Napolit, ai ka besimin e trajnerit Genaro Gattusos, por jo edhe të tifozëve kuqezinj.

Megjithatë, gazeta thekson se tifozët e Rossonerëve kanë ‘humbur durimin’ me ish sulmuesin e Fiorentinës pasi që po tregohet tejet i ngathët para portave të ekipeve kundërshtare.

Rrjedhimisht, 30-vjeçari do të ishte alternativa e tretë pas Patrick Cutrones dhe Andre Silvas për pjesën e mbetur të kampionatit.

Theksojmë se reprezentuesi kroat deri më tani ka shënuar pesë gola në 25 paraqitjet në të gjitha garat.

Kujtojmë se Milan pothuajse tashmë është dorëzuar në luftën për një vend në Ligën e Kampionëve pasi që ngec tetë pikë pas Lazios dhe Interit. /Telegrafi/