Në UT u debatua për përcaktimin e prioriteteve të zhvillimeve ekonomike në Maqedoni
Në Universitetin e Tetovës, Fakulteti Ekonomik organizoi debat, me temë: „Përcaktimi i prioriteteve të zhvillimeve ekonomike në Republikën e Maqedonisë“.
Në këtë debat morën pjesë profesorë universiteti, ekspertë të fushave ekonomike, përfaqësues të Ministrisë së Ekonomisë, përfaqësues të ndërmarrjeve ekonomike, përfaqësues të sektorit bankar, biznismenë, afaristë dhe studentë.
Dekani i Fakultetit Ekonomik, Raman Ismaili tha se tema bosht e këtij tubimi është mjaft komplekse dhe multidimensionale për nga vetë natyra e saj, duke pasur parasysh faktin se në shumë aspekte Republika e Maqedonisë ende ndodhet në udhëkryq, jo vetëm për shkak të sfidave të jashtme me të cilat ballafaqohet shteti, por gjithashtu edhe falë problemeve dhe vështirësive në plan të brendshëm.
Sipas tij, këto probleme krahas dimensionit politik, në masë të madhe në vete gërshetojnë edhe dimensionin ekonomik, si një nga fushat bazë të garantimit të funksionalitetit të një demokracie bashkëkohore në plotëkuptimin e fjalës.
„Në opinionin e gjerë, në vazhdimësi flitet për zhvillim dhe prioritete zhvillimore, mbetet fakti që shumë pak prioritetet e përcaktuara zhvillimore janë të operacionalizuara dhe më tepër kanë mbetur në suaza të synimeve të përgjithshme, të kornizave të përgjithshme në suaza të së cilave duhet të funksionojë sistemi ekonomik i vendit. Andaj, është bërë më se e qartë se nuk mjafton që vetëm të ndërtohen plane të përgjithshme dhe strategji zhvillimore, prioritete zhvillimore në forma të numërimeve, por përkundrazi duhet ndërmarrë një aktivitetet më i gjerë që do të kishte përfshirë që në fazën e formulimit të prioriteteve, mendimet dhe qëndrimet e përfaqësuesve të botës akademike, të universiteteve, qëndrimet e odave ekonomike, bizneseve të mëdha, të vogla dhe të mesme, zejtarëve, shoqërisë civile dhe palëve të tjera të interesuara“, tha Raman Ismaili, dekan i Fakultetit Ekonomik.
Kryetari i Odës Ekonomike të Maqedonisë Veri-Perëndimore, Nebi Hoxha tha se sa i përket përcaktimit të prioriteteve për zhvillim ekonomik, në vendin tonë edhe përskaj shumë kërkesave dhe propozimeve tona, si zëri i biznesit dhe ekspertëve ekonomik nga universitetet, që të kemi përcaktime të prioriteteve për rritje dhe zhvillim ekonomik, ende nuk kemi arritur që të kemi ndonjë dokument strategjik afatmesëm dhe afatgjatë për një gjë të tillë.
„Ky proces mund të fillojë edhe me një transformim me qëllim që të gjenerojë produkte të cilat kanë vlerë më të shtuar dhe teknologji më të lartë në proceset prodhuese. Shtylla e këtij transformimi do të jenë inovacioni dhe kapacitetet e ngritura të ndërmarrjeve, një rrjet më i plotë i industrive të lidhura për të përfituar sinergji, teknologjinë e gjelbër, prodhim të qëndrueshëm dhe diversifikimin e tregut të eksportit dhe importit“, tha Nebi Hoxha, kryetari i Odës Ekonomike të Maqedonisë Veri – Perëndimore.
Po ashtu, mes tjerash u tha se ky debat synon krijimin e një platforme akademike dhe shkencore që me tërë kapacitetin e vet akademik dhe intelektual do të vihet në disponim të gjetjes dhe ofrimit të alternativave përkatëse dhe të zbatueshme për të kanalizuar në mënyrë më eficiente masat ekonomike në drejtim të nxitjes së një zhvillimi më intensiv ekonomik dhe të gjithëmbarshëm shoqëror në përgjithësi. /Telegrafi/
Promo
Reklamo këtuLufta Prigozhin - Putin
Më shumëFruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Vdes një grua në Repartin e Gjinekologjisë në Prizren
Rast i pazakontë në Prishtinë, dy persona të maskuar tentuan t’ia vënë zjarrin një shkolle
Çfarë pyetje u bëhen qytetarëve në diasporë për regjistrim?
Keqtrajtoi një qen, arrestohet i dyshuari në Prishtinë
“5 euro për një kafe”, arrestohet shtetasi i Maqedonisë pasi tentoi ta korruptonte policin në Vërmicë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City