Pamjet e filmuara me dron, që tregojnë se si çarja e tokës është duke bërë që Afrika të ndahet në dysh (Video)

Pamjet e filmuara me dron tregojnë se si është çarë toka, që po kërcënon të ndajë Afrikën në dysh.

Kjo çarje ka arritur pothuajse në dhjetëra kilometra, kurse thellësia e kësaj çarje arrin në 15 metra thellësi dhe 20 metra gjerësi, transmeton Telegrafi.

Si pasojë e çarjes janë shkaktuar aktivitete sizmologjike në Kenia, duke bërë që rruga që lidh Nairobin me Narokun në pjesën jugperëndimore të shkatërrohet.

Pamjet me dron të filmuara shfaqin vetura dhe qytetarë duke lëvizur afër vendit ku është çarë toka, ndërkaq ekspertët kanë parashikuar që kjo çarje do të vazhdojë të rritet me kalimin e viteve, duke arritur deri në oqean.

Ky fenomen mund të prekë Etiopinë, Somalinë dhe bririn e Afrikës, duke u shndërruar në një ishull të ndarë nga toka. Lucia Perez Diaz, hulumtuese nga Universiteti Holloway në Londër, ka shkruar një artikull që shpjegon se si Afrika do të ndahet në dy pjesë.

Pllakat tektonike mund të shkaktojnë lëkundjen dhe rrëshqitjen e tokës, siç ka ndodhur në Rift Valley të pjesës lindore të Afrikës. /Telegrafi/