Kotzias: Është koha për zgjidhjen e çështjes së emrit

“Është koha për zgjidhjen e çështjes së emrit, tani që duket se është hapur një dritare e mundësisë”, kështu ka thënë me optimizën shefi i diplomacisë greke, Nikos Kotzias, në një intervistë për gazetën greke, Documento. Kotzias gjithsesi sqaroi se ndryshimet kushtetuese janë parakusht për një zgjidhje erga omnes.

“Ndryshimi i Kushtetutës nënkupton implementim “erga omnes”, respektivisht përdorim të emrit në të gjitha rastet, si për përdorim ndërkombëtar ashtu edhe për përdorim të brendshëm dhe shmangie të mosmarrëveshjeve që mund të ndodhin në të ardhmen nëse nuk ndryshon Kushtetuta. Së dyti, mënjanohet mundësia që në të ardhmen një Qeveri tjetër t’i kërkojë llogari vendit fqinj për dhunë ndaj Kushtetutës nëse marrëveshja ndërkombëtare do të “devijojë” nga parashikimet”, tha Kotzias.

Kocijas ndër tjerash iu kundërpërgjigj akuzave të opozitës për “diplomaci sekrete”, duke thënë se Qeveria i është përgjigjur të gjitha kërkesave për informata në mënyrë adekuate. Ai shprehu dyshimin se opozita nuk dëshiron që problemi të zgjidhet dhe se kjo është thellësisht e papërgjegjshme.