Deputetët e Kuvendit të Kosovës veshin bluzat e Albana Osmanit, në mbështetje të kauzës së saj

Prezantuesja e njohur Albana Osmani vitin e kaluar nisi një kauzë sensibilizuese, e cila mori përmasa të mëdha.

Bëhet fjalë për bluzat me logon e lulediellit, të cilat shiten dhe nga fitimet e tyre mblidhen fonde për fëmijët në nevojë.

Lexo po ashtu "Të vishemi me lulediell" për të ndihmuar fëmijët që vuajnë dhe shërimin ta gjejnë në vendin e Dardanëve

Të shumtë kanë qenë figurat publike të cilët kanë mbështetur këtë fushatë sensibilizuese, duke veshur bluzat dhe duke i promovuar më pas në rrjetet sociale.

Sot (e enjte), me rastin e festës së 8 marsit, Albana Osmani është gjendur në Kosovë, teksa kauzës së saj i janë bashkuar edhe të gjithë deputetët e Parlamentit të Kosovës.

Gjatë seancës së sotme, ata kanë veshur bluzat me logon e lulediellit, ndërsa janë fotografuar të gjithë së bashku pranë prezantueses Osmani.

Kjo e fundit, vendosi të ndajë me fansat këtë fotografi në llogarinë e saj zyrtare në Instagram.

“Të gjithë bashkë për ardhmërinë , për fëmijët! Deputetët kosovarë pa dallim etnie në mbështetjen e kauzës së ngritur për fëmijët e Kosovës!”, ka shkruar Albana Osmani në mbishkrimin e fotografisë. /Telegrafi/

Te gjithe bashke per ardhmerine , per femijet ! Deputetet Kosovar pa dallim etnie ne mbeshtjen e kauzes se ngritur per Femijet e Kosoves ! #tijenjeluledielli #youareasunflower

A post shared by ALBANA OSMANI (@albanaosmani1) on Mar 8, 2018 at 2:25am PST