Kuvendi i Maqedonisë miraton Deklaratë për dëbimin e hebrenjve nga Maqedonia

Kuvendi i Maqedonisë sot miratoi Deklaratë me rastin e 75 vjetorit nga dëbimi i hebrenjve nga Maqedonia në llogorin e vdekjes Treblinka.

Deklarta, ashtu siç sqaroi koordinatori i grupit parlamentar të SDSM-së, Tomislav Tuntev, miratohet në kujtim të 7.144 hebrenjve të cilët ishin dëbuar nga Maqedonia.

Në deklaratë u jepet respekt hebrenjëve nga Maqedonia dhe iu vlerësohet kontributi dhe rëndësia që e kanë në këtë shtet.

Gjatë miratimit, theksoi Tuntev, fillon karakteri multikultural dhe multifunksional i shoqërisë maqedonase, dhe duke pasur parasysh kontributin e pjesëtarëve hebrenjë në zhvillimin e përgjithshëm të Republikës së Maqedonisë, si dhe faktin se ajo paraqet pjesë të rëndesishme nga historia dhe tradita, kurse nëpërmjet gjeneratës së re është pjesë e të tashmes dhe të ardhmes së shtetit.

Më 11 mars të këtij viti, thuhet në Deklaratë, po përfundojnë 75 vite nga dëbimi i 7.144 hebrenjve nga territori i sotëm i Republikës së Maqedonisë, ose 98% nga popullata e hebrenjve në atë periudhë, nga ana e nazistëve dhe bashkëpunëtoreve të tyre në llogoret e vdekjes, nga ku asnjë prej tyre nuk u kthye i gjallë.

Me Deklaratën, dënohet holokausti, por edhe mohimi dhe shtrembërimi i të njëjtit. Apelohet te të gjithë aktivistët dhe projektet të cilët janë me tema të lidhura me holokaustin, vëmendja të jetë tek gjeneratat e reja, dhe përfshirja sa më e madhe e të njëjtive, me qëllim që holokausti ose çfarëdo lloj gjenocidi tjetër kurrë më të mos përsëriten.

Deklarata do të dërgohet deri tek Kneseti i shtetit të Izraelit, OK, Këshilli i Europës, OSBE, Kuvendi i Europës, Aleanca Ndërkombëtare për përkujtimin e holokaustit, Kongresi Botëror i Hebrenjve, dhe organizata tjera ndërkombëtare./Telegrafi/