Pensionistët e Holandës, Turqisë dhe Kroacisë më të privilegjuarit

Pensionistët në Holandë, Turqi dhe Kroaci marrin më shumë se 100 për qind të pagës së punës kur dalin në pension. Në të vërtetë, pensionistët holandezë dhe turq marrin respektivisht 101 për qind dhe 102 për qind, por kroatët marrin 129 për qind. Kjo sipas Organizatës për Bashkëpunim dhe Zhvillim Ekonomik (OECD), i cili analizoi të dhënat nga 35 vendet e saj anëtare dhe një numër vendesh të tjera.

Të dhënat, të hartuara si pjesë e pensioneve të OECD-së në një raport të vitit 2017, tregojnë gjithashtu se India (99 për qind), Portugalia (95 për qind) dhe Italia (93 për qind) kanë norma pensionesh shumë konkurruese.

Në anën tjetër të shkallës, pensionistët në Mbretërinë e Bashkuar vuajnë nga marrëveshja më e keqe e çdo vendi të OECD, duke marrë vetëm 29 për qind të pagës së punës kur dalin në pension. Për ta vënë këtë në perspektivë, mesatarja e OECD është 63 për qind dhe mesatarja për shtetet anëtare të BE është 71 për qind.

Norma e pensioneve në Shtetet e Bashkuara është 49 për qind, ndërsa në Kinë, e cila është shtëpia e më shumë se 1.4 miliard njerëzve, norma është 83 për qind, tregojnë të dhënat e OECD. /Telegrafi/