Presidenti Thaçi dekoron Ramën me medalje presidenciale

Presidenti i vendit, Hashim Thaçi ka dekoruar kryeministrin e Shqipërisë, Edi Rama për kontributin e dhënë për Republikën e Kosovës..

Thaçi tha se sot i ka ndarë kryeministrit Rama medaljen presidenciale për lirinë dhe pavarësinë e vendit. “Zëri i Edit ka qenë shumë i fuqishëm”, tha Thaçi.

Ndërsa kryeministri i Shqipërisë, Edi Rama ka theksuar se është i nderuar për dekorimin që po ia bën presidenti i Kosovës, Hashim Thaçi në vigjilje të pavarësisë së Kosovës.

“Dua t’iu përgëzoj për atë që ju bëtë me presidentin e Malit të Zi. Ka qenë një hap i vendosur drejt finalizimit të një procesi, që uroj dhe shpresoj të mbyllet në këtë proces historik, i cili është në përvjetorin e dhjetë të pavarësisë. Mendoj se kjo do të t’i hapë rrugë Kosovës dhe gjithë qytetarëve të saj që të lëvizin lirshëm në Evropë”, ka shtuar Rama.

Në fund Rama ka falënderuar të gjithë të pranishmit, që kanë qenë aty për të dhe qeverinë që drejton.

“Si një përgjegjësi dhe detyrim më shumë, një lidhje më shumë me ju dhe të gjithë popullin e Kosovës, tha  Rama”. /Telegrafi/