Rita Ora me video mesazh emocionues: Vendlindja ime Kosova, mezi po pres që ta festojmë së bashku pavarësinë

Tashmë kanë mbetur edhe 48 orë kur para publikut shqiptar do të paraqitet Rita Ora.

Këngëtarja shqiptare tashmë ka konfirmuar se do të jetë në koncertin me rastin e dhjetëvjetorit të pavarësisë së Kosovës.

Ajo ka publikuar së rish edhe një video në rrjetet sociale teksa konfirmon koncertin e së shtunës në Prishtinë.

https://www.instagram.com/p/BfL9qIRHegs/?taken-by=ritaora

Bukuroshja jonë ka publikuar një video xhirim në llogarinë personale në Instagram teksa i fton të gjithë të jenë në koncert ndërsa imazhin e shoqëron edhe me këngën shqipe.

“Vendlindja ime Kosova! Unë po kthehem në shtëpi!!! Ky është mesazhi për ju! Mezi po pres që të vij dhe të mbaj një koncert falas për të gjithë ju në Prishtinë, në sheshin e Nënës Terezë! Në zemër të qytetit!! Për të festuar përvjetorin tonë të dhjetë të Pavarësisë! Jam krenare që kam lindur në Prishtinë dhe kam mundësi të vijë. Jem ambasadorja dhe mikesha juaj! Le ta bëjmë këtë!! Shihemi të gjithë të shtunën!”, ka shkruar ndër të tjerash Rita në Instagram, teksa ka treguar se do të ketë edhe befasi.

Theksojmë se organizatorët kanë bërë të ditur që këngëtarja do të jetë e pranishme para publikut rreth orës 22:00 dhe se do të ketë edhe këngëtar të tjerë që do të performojnë paraprakisht në koncertin e pavarësisë.

Ndryshe, këngëtarja është duke punuar në projekte të reja muzikore, të cilat do t’i publikon gjatë muajve në vijim. /Telegrafi/

https://www.instagram.com/p/BfOy6igndql/?taken-by=ritaora