Kalimi i ngrohjes me avull nga ngrohja me mazut nga Termokosi, ka rritur kualitetin e ngrohjes sipas zyrtarëve të kësaj kompanie. E rritja e cilësisë së ngrohjes ka rritur edhe pagesën dhe faturimin e ngrohjes të cilën e shfrytëzojnë konsumatorët.
Termokos u ka faturuar për ngrohje konsumatorëve rreth 6 milionë euro për vitin 2017, derisa për avullin që e ka shfrytëzuar nga Termocentrali “Kosova B” i KEK-ut, ka paguar shumë më pak.
Telegrafi ka arritur që të sigurojë dokument ku ka zbuluar se Termokosi i ka paguar KEK-ut për shfrytëzimin e avullit vetëm 1,028,925 euro.
Zëdhënësja e Termokosit, Afërdita Uka, ka thënë për Telegrafin se për ngrohjen që kanë ofruar për konsumatorët i kanë faturuar me rreth 6 milionë euro. “Faturimi për vitin 2017 ka qenë 5,937, 961.01 euro”, tha ajo.
Sipas Ukës, kërkesat e qytetarëve për ngrohej nga Termokosi janë më të mëdha sesa ka kapacitete për të mundësuar kyçjen në rrjetin e ngrohjes.
“Në saje të një donacioni nga Komisioni Evropian në vlerë të 8.3 milionë eurove (si dhe 250 mijë eurove nga “Termokos” dhe 250 mijë të tjera nga Komuna e Prishtinës) për zgjerimin e rrjetit të ngrohjes, pasi që janë afër finalizimit procedurat për përzgjedhjen e operatorëve, që do të merren me ekzekutimin e punëve në teren, për pak muaj do të fillojnë punimet për zgjerimin e rrjetit të ngrohjes. Në kuadër të kësaj faze të projektit të kogjenerimit në rrjetin e ngrohjes do të kyçen disa objekte të vjetra banesore në qendër të qytetit, të cilat nuk kanë qenë të lidhura në rrjetin e ngrohjes, disa institucione siç është: Teatri Kombëtar, objekti i Ministrisë së Kulturës, disa objekte tjera të vjetra në lagjen “Ulpiana”, si dhe disa objekte banesore në lagjen “Kalabria” dhe në rrugën B”, ka treguar zëdhënësja Afërdita Uka, shkruan Telegrafi.
Aktualisht tarifat për ngrohje për subjektet banesore për metër katror janë 0.78 euro + TVSH, ndërsa për subjektet afariste dhe institucionet janë 0.97 euro metri katror+ TVSH-ja.
Telegrafi ka folur më disa banorë në rrugën “B” në Prishtinë, të cilët kanë blerë banesa dhe nuk janë lidhur në rrjetin ngrohës. Ata kanë treguar se ngrohja u kalon para banesave e nuk janë të kyçur. /Telegrafi/
Lufta Prigozhin - Putin
Më shumëNga Rubrika
1 Maji, Kurti thërret për solidaritet dhe organizim sindikal
Dita e punëtorëve, Tahiri: Sot nuk ka vend për festë – Qeveria mund të festoj dështimet
UBT ndan çmimin më të lartë institucional për Rektorin e Trakya Üniversitesi, Prof. Dr. Erhan Tabakoğlu dhe bën hapjen e Teknoparkut Ndërkombëtar
N’BAU krejt i gjen me zbritje këtë javë!
Fito udhëtim në çift me IP Petrol!
Relaksim në përjetësi, me “Holiday In 2” t’gjitha i ki
Respekti dhe vlerësimi i punëtorëve refletojnë në suksesin e Emona Center
"Më mirë se vendi ynë nuk ka", rrëfimi i Fitim Maliqit që posedon mbi 10 mijë zogj të pulave
Rotary Club Prishtina Garden, klubi më i ri i Rotary në Kosovë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit