Publikohet kënga e interpretuar nga Jamie Dornan në filmin “Fifty Shades Freed”

Në kohën kur ka filluar të shfaqet në kinema “Fifty Shades Freed”, është publikuar edhe kënga e shumëpritur “Maybe I’m Amazed” në interpretim të Jamie Dornan.

Yjeve të shumta që kanë realizuar këngë për këtë film, iu është bashkuar edhe protagonisti kryesor për ta kënduar hitin e Paul McCartneyt.

Kënga e viteve të shtatëdhjeta e interpretuar nga Dornan është publikuar si bonus në kuadër të albumit që i përmbledh të gjitha këngët e “Fifty Shades Freed”.

Në film, aktori kryesor e këndon këngën duke luajtur në piano në një shtëpi në mal.

“E kemi xhiruar skenën në shtëpinë e këngëtares kanadeze, Sarah McLachan, e cila na ka interpretuar disa këngë të saj. Të gjithë ishin të mahnitur nga këndimi i saj”.

“Kur e përfundoi performancën, të gjithë qanin, ndërsa më thanë se ishte radha ime. Mu desh t’u them se duhej të largoheshin të gjithë”, ka thënë Dornan duke bërë shaka në një intervistë për ITV Lorraine.

Megjithatë, sipas asaj që kanë thënë kritikët dhe përdoruesit e rrjeteve sociale, aktori ka kënduar shumë mirë.

Kujtojmë se krahas Dornan dhe Dakota Johnson në film luajnë edhe Eric Johnson, Eloise Mumford, Rita Ora, Luke Grimes, Victor Rasuk, Max Martini, Callum Keith Rennie, Bruce Altman, Arielle Kebbel, Robinne Lee, Brant Daugherty, Kim Basinger e Marcia Gay Harden.

Këngëtarja shqiptare njëherësh e ka realizuar edhe këngën “For You” në bashkëpunim me Liam Payne që ka rezultuar shumë e suksesshme dhe aktualisht numëron mbi 32 milionë shikime në YouTube. /Telegrafi/