“Ndryshim të emrit pastaj anëtarësim në BE”, gazeta greke zbulon propozimet e Nimetz

Nuk ekziston ndryshim i detyrueshëm i Kushtetutës, emri i ri tërësisht të miratohet edhe për përdorim të brendshëm edhe për të jashtëm, por pas integrimit në BE. Këto janë disa nga pikat e “pakos së ideve” të ndërmjetësit të Kombeve të Bashkuara, Matthew Nimetz, që e publikoi sot gazeta greke “To Vima”.

Nimetz e përsëritë klauzolën e joekskluzivitetit për termet “maqedonase” dhe “Maqedoni” për përdorim ekonomik, ai thotë se emri i ri duhet të përdoret i papërkthyer apo i përkthyer sipas zgjedhjes së secilës palë.

“Në pakon që Nimic më 17 janar ua dorëzoi dy ndërmjetësve, nuk është përmendur ndryshimi i obligueshëm i Kushtetutës së IRJM-së që të ndërrohet emri i sotëm kushtetues apo pikave të tjera që sipas disave kanë përmbajtje irredentiste. Qeveria e IRJM-së është kompetente të vlerësojë se cilat do të jenë ‘procedurat obliguese, të besueshme dhe të parevokueshme nacionale’ për zbatimin e zgjidhjes”, shkruan “To Vima”.

Sipas “pakos së ideve” së Nimetz, siç transmeton gazeta, miratimi i emrit të ri dhe përfundimtar që do të jetë “erga omnes”, është i lidhur drejtpërdrejt dhe vetëm me integrimin në Bashkimin Evropian. Që do të thotë se emri kushtetues do të vazhdojë të jetë në fuqi deri në hyrjen në Union. Këtë të njëjtën, javën e kaluar e publikoi edhe gazeta greke “Katimerini”.

Lidhur me përdorimin ekonomik, Nimic, sipas “To vima”-s, e përmend “klauzolën e joeksluzivitetit” gjatë përdorimit të shprehjeve “Maqedoni” dhe “maqedonas” dhe u bën thirrje të dyja palëve të vijnë deri te marrëveshja e ndërsjelltë që do të mund të zbatohet në të gjitha gjuhët për përdorim të këtyre termeve.