Dogana sqaron Vendimet për politikat e reja Fiskale

Dogana e Kosovës me qëllim të qartësimit, lajmëron të gjitha kompanitë, asociacionet e biznesit si dhe palët e interesuara që zbatimi i politikave të reja Fiskale, respektivisht Vendimin 13 dhe 14 të Qeverisë të datës 6 tetor 2017 behën sipas procedurave te aprovuara nga Qeveria dhe udhëzimeve për zbatim nga Ministria e Financave.

Sipas vendimeve dhe udhëzimeve të pranuara për zbatimin e këtyre vendimeve, është themeluar me Komisioni i përbashkët i përberë nga Ministria e Financave, Administrata Tatimore e Kosovës dhe Dogana, për trajtimin e te gjitha kërkesave për Tatimin mbi Vlerën e Shtuar dhe për lirim nga taksa doganore dhe akcizës ne import. Prandaj çdo vendim-autorizim të këtij Komisioni, Dogana është e obliguar vetëm ta zbaton në praktikë me rastin e importit.

“Dogana nga ana tjetër nga 1 janari 2018 ka marrë të gjitha veprimet dhe ka përgatitur të gjithë infrastrukturën për të zbatuar në saktësi të gjitha vendimet e Komisionit për lirim nga taksat në import sipas Vendimit të Qeverisë. Deri tani Dogana është duke zbatuar saktë dhe drejt të gjitha vendimet për lirim sipas autorizimeve nga Komisioni i përbashkët – MF, ATK dhe Dogana”, thuhet në njoftimin e Doganës, përcjell Telegrafi.

Gjithashtu Dogana njofton se të gjitha kërkesat nga komuniteti i biznesit, si qartësimet dhe pyetjet eventuale, duhet të adresohen tek ky Komision i përbashkët. /Telegrafi/