Hajnat e armatosur futen në shtëpi, kërcënuan edhe me vrasje – 11 vjeçari largohet guximshëm për të kërkuar ndihmë (Video)

Ky është momenti i tmerrshëm i një vjedhje, gjatë së cilës një djalë i guximshëm 11-vjeçar duhej të vraponte nga shtëpia për të gjetur ndihmë, pasi shtëpia e tij u rrëmbye nga vjedhësit me maska që ‘kërcënonin të vrisnin’ nënën e tij.

Sipas mediave të huaja, përcjell Telegrafi, bëhet fjalë për një ngjarje kur një nga hajdutët vendosi një thikë në qafën e nënës 39-vjeçare, pasi ata kërkuan fjalëkalime për të hapur smartphone dhe tabletat, duke kërcënuar se ‘do ta vrasin’.

Pamjet e kapura nga kamerat e sigurisë në një shtëpi në Ilford, në lindje të Londrës, thuhet se tregojnë nënën e tre fëmijëve duke lutur bandën e armatosur për të kursyer djalin e saj më të madh, që u zvarrit rreth pronës nën kërcënimin e thikës.

Siç thuhet më tej, djali tjetër i saj 17-vjeçar u kërcënua nga grabitësit, të cilët kërkuan para dhe sende të çmueshme.

Vajza adoleshente e familjes u mbyll në banjo, ndërsa ndodhi incidenti i tmerrshëm, por ende mund të dëgjonte britmat e nënës së saj.

“Ishte sikur të ishe në një film horror”.

“Për të trembur mamanë ata e prenë vëllanë tim në fytyrë. Ajo e pa që ai ishte lënduar dhe kishte dhënë gjithçka që kishte”, ka rrëfyer më tej ajo.

Ajo shtoi se duart e saj po dridheshin shumë për të thirrur vetë policinë. /Telegrafi/