Albin Kurti voton, fton të dorëhequrit t’i bashkohen procesit (Foto)

E plotësuar: Kandidati i vetëm për kryetar të Vetëvendosjes, Albin Kurti, ka votuar në qendrën e votimit në shkollën fillore “Naim Frashëri” në kryeqytet.

Zgjedhjet e sotme të Lëvizjes Vetëvendosje për të vendosur kryetarin e ri, Kurti i cilëson si “demokratike”.

Ai gjithashtu ka ftuar të gjithë anëtarët e Vetëvendosjes që të votojnë duke përfshirë edhe të dorëhequrit nga pozitat partiake.

“Unë e shfrytëzova të drejtën që të votojë dhe i ftojë të gjithë anëtarët e VV-së të zgjedhin lirshëm dhe të përcaktohen në mënyrë demokratike. VV është subjekti më demokratik në Republikën e Kosovës”, ka thënë Kurti.

Nis votimi për kryetar të Vetëvendosjes

Lëvizja Vetëvendosje sot voton për kryetarin e ri.

Në të gjitha komuna e vendit vendvotimet  janë hapur me kohë, për të zgjedhur të parin e partisë, shkruan Indeksonline.

Votimi ka filluar në orën 10:00, dhe sipas anëtarëve të saj gjithçka po duket në rregull.

Procesi zgjedhor në VV mbahet vetëm një muaj para kohës së paraparë e cila erdhi si rrjedhojë e dorëheqjes së Visar Ymerit.

Ndryshe, Albin Kurti nuk ka kundër-kandidat në këto zgjedhje të brendshme, ani pse kundërshtitë në parti kanë arritur deri aty sa i kanë kërkuar të mos kandidojë./Telegrafi/