Dolores ndodhej në Londër për ribërjen e Zombie me Bad Wolves, grupi e lanson versionin e ri (Video)

Grupi i muzikës rok, “Bad Wolves”, e ka publikuar ribërjen e këngës “Zombie”, të cilën Dolores O’Riordan duhej ta incizonte së bashku me anëtarët e këtij bendi.

Kjo kishte qenë njëra prej arsyeve pse këngëtarja ndodhej në Londër, ku edhe u gjet e vdekur të hënën (15 janar).

As many of you now know Dolores O’riordan was scheduled to record vocals on our rendition of the Cranberries 1994 hit “Zombie” the very day of her unexpected passing. Zombie is an incredibly personal song and it was the greatest honor to know she loved our version and wanted to sing on it. We are all deeply saddened by the sudden loss of Dolores and were more over struck by the fact that she’s leaving behind 3 children. With careful consideration Bad Wolves and Eleven Seven Records will be following through with the release of Zombie and donating portions of the song proceeds to her kids. Dolores will be remembered as one of the most charismatic and honest singers in rock, and we hope we can still make her proud by sharing our version of Zombie with the world. Thank you to Octane and Sirius satellite radio. Thank you to everyone who has supported us moving through this very dark and delicate time. – Tommy Vext

A post shared by Bad Wolves (@badwolvesofficial) on Jan 19, 2018 at 9:48am PST

Anëtarët e “Bad Wolves” e kishin incizuar versionin e tyre para disa muajsh dhe ia kishin dërguar Doloresit, e cila e kishte pëlqyer shumë.

Lexo po ashtu Dolores O'Riordan ishte abuzuar seksualisht si fëmijë, për pasojë kishte vuajtur nga anoreksia, depresioni, alkoolizmi dhe çrregullimi bipolar

Prandaj, ajo udhëtoi në Londër për ta përpunuar këngën dhe për ta nënshkruar një marrëveshje me grupin, mirëpo asnjëherë nuk do të mësohet se çarë ndryshimesh kishte planifikuar të bënte dhe çfarë do t’i shtonte versionit të ri.

Këngëtarja e “The Cranberries” nuk ka arritur ta incizojë vokalin e saj për ribërjen e hitit të madh, në mënyrë që versioni të ishte i kompletuar.

Të gjitha paratë nga përfitimet e këngës së re, sipas “Bad Wolves”, do t’u jepen fëmijëve të O’Riordan.

“Zombie” është një këngë proteste nga rok bendi irlandez ” The Cranberries” e shkruar rreth bombardimeve të IRA-s në Warrington në vitin 1993, ku humbën jetën dy fëmijë.

Kënga u realizua në kujtim të fëmijëve të vrarë, Johnathan Ball dhe Tim Parry, dhe u publikua në shtator të vitit 1994, si kënga kryesore e albumit të dytë të grupit, “No Need to Argue”.

Lexo po ashtu Dolores që vuante nga depresioni, e parashikoi vdekjen e hershme: Nëse arrij të pesëdhjetat, do të jem e lumtur

Pikërisht Dolores O’Riordan e kishte shkruar këngën, e cila asokohe u rendit e para në top-lista në Australi, Belgjikë, Francë, Danimarkë dhe Gjermani.

Në vitin 1995 në ceremoninë e MTV Europe Music Awards, “Zombie” u shpall ‘Kënga më e mirë’, ndërsa edhe sot e kësaj dite vazhdon të jetë një prej hiteve më të dëgjuara.

Në mars të vitit 2017, grupi e realizoi edhe versionin akustik të “Zombie” që u përfshi në kuadër të albumit “Something Else” që është edhe albumi i fundit i “The Cranberries”, me Doloresin si këngëtare e bendit. /Telegrafi/