Alba: Puna ekipore është çelësi i suksesit te Barcelona

Jordi Alba ka lavdëruar punën e ekipit të Barcelonës dhe beson se në vend të shfaqjeve individuale, kjo fshihet prapa sukseseve të tyre këtë sezon.

Fitorja 4-2 e Blaugranëve në udhëtim te Real Sociedadi, të dielën mbrëma, rivendosi kryesimin e tyre nëntë pikë në krye të tabelës.

Kjo fitore e thellë ka bërë që katalunasit të ngritin edhe epërsinë ndaj rivalëve të urryer të Real Madridin me 19 pikë larg tani.

Lexo po ashtu Me përmbysje, gola të bukur dhe spektakël, Barca fiton pas 11 vitesh në Anoeta (Video)

Sukseset e skuadrës, mbrojtësi spanjoll, Alba, ua kontribuon punës së grupit, që mendon se është çelësi i suksesit.

“Sekreti i suksesit tonë është puna ekipore”, ka thënë Alba për gazetën spanjolle Marca.

“Të gjithë janë të përfshirë në aspektin e mbrojtjes sonë, në presionet tona dhe në fitimin e topit, ndërsa sulmuesit tanë mund të bëjnë dallimin përpara”.

Lexo po ashtu Edhe Jordi Alba u shfaq me vepra artistike, e poshtëroi Modricin (Video)

“Anoeta është një terren në të cilin ne kemi vuajtur shumë për të fituar këtu, përfaqëson një pikë shumë të rëndësishme në një vend ku kemi luftuar më parë”.

“19 pikë është një dallim i madh, por nuk duhet të harrojmë se Real Madridi nuk do të ndalojë luftën dhe të tjerët janë gjithashtu të përfshirë në garë”, përfundoi mbrojtësi spanjoll. /Telegrafi/