Njohësit e muzikës së viteve ’60 e kanë të dëgjuar emrin e Joe Boyd. Ai është personi që ka bërë regjistrimet për shumë emra të njohur, përfshirë grupin Pink Floyd. Në fakt, ai ka hapur lokalin UFO Club që do të bëjë revolucion në muzikën botërore. Në këtë lokal do të performojnë legjendat e rockut. Aty Pink Floyd do të shënojnë hapat e parë drejt famës botërore, ndërsa Boyd do të jetë promotor i incizimeve të para të grupit.
Boyd nuk ka prodhuar një album të ri prej të paktën një dekade. Por, ka vendosur ta thyejë “heshtjen” me një album me muzikë tradicionale shqiptare të regjistruar në Shqipëri.
Boyd jeton së bashku me të shoqen në Londër, ku apartamenti i tyre kumbon shpesh nga muzika shqiptare, në veçanti sazet e Jugut.
Në një intervistë radiofonike, që në sfond shoqërohet nga këngët e albumit, Boyd rrëfen historinë e “Tanës”, një prej pjesëve në albumin e tij.
“Në malet e Jugut, një bari dhe qeni i tij bien pre e banditëve. Ai e di se do ta vrasin. Delet ia kanë vjedhur, qenin ia kanë vrarë. Kjo këngë haste në forma të ndryshme në të gjitha trevat ku flitet shqip”, tregon Boyd.
Boyd është i pasionuar pas isopolifonisë labe. “Disa spekulojnë se isopolifonia është po aq e hershme sa Homeri. Ndoshta pikërisht në atë mënyrë këndonin sirenat që ndillnin Odisenë nga shkëmbinjtë”, thotë Boyd.
“Për dekada me radhë, kultura e sazeve u mbështet nga qeveria komuniste. Por izolimi politik dhe gjeografik dhe mungesa e studimeve të mirëfillta bëri që një numër krejt i vogël regjistrimesh të tilla të njihen në botën e jashtme. Ky album do t’i japë kulturës së sazeve mundësinë të njihet në botë”, thotë Lucy Duran, etnomuzikologe dhe producente.
“Kjo lloj muzike, shumë rajonale dhe e lokalizuar, është totalisht akustike. Është sublime. Nuk ekziston gjëkundi tjetër. Është gjë e bukur që më në fund i jepet mundësia për t’u dëgjuar në të gjithë botën”, thotë Duran. /TemA TV/
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City