Nga emërimi zyrtar i Donald Trump tek katastrofat klimatike duke vijuar me krizën katalanase apo lëshimet e raketave koreano-veriore, ja një rikujtesë e momenteve kyçe të globit që shënuan vitin 2017:
Viti Trump
Më 20 janar, miliarderi republikan Donald Trump, 70 vjeç, zgjidhet president i SHBA-së me sloganin “Amerika e para”, por dyshimet e marrëveshjeve të fshehta me Rusinë ”helmojnë” fillimin e mandatit.
Me disa postime çdo mëngjes në Twitter, ai zotohet të çbëjë bilancin e paraardhësit të tij demokrat, Barack Obama duke pezulluar apo kërcënuar me ndërprerjen e disa marrëveshjeve ndërkombëtare (tregtinë e lirë, klimën, imigracionin, shëndetësinë, UNESCO-n). Më 6 dhjetor ai pranoi Jeruzalemin si kryeqytet i Izraelit, duke nxitur një valë tensionesh në mbarë botën.
Fillimi i Brexit
Më 29 mars, Londra nisi procedurën e largimit nga Bashkimi Evropian, nëntë muaj pas një referendumi që krijoi ndasi në vend.
Më 8 qershor, kryeministrja konservatore Theresa May, me shpresën për të forcuar positën e saj në Parlament, thërret zgjedhje të parakohshme parlamentare. Por shumica e saj në fakt doli më e dobësuar. Pas muaj diskutimesh, më 8 dhjetor, Brukseli dhe Londra bien dakort për kushtet e divorcit të tyre, duke i hapur rrugën bisedimeve tregtare.
Tërmet politik në Francë
Më 7 maj, centristi proevropian Emmanuel Macron, 39 vjeç, fiton gjerësisht presidencialet përballë kandidates së ekstremit të djathtë Marine Le Pen. Në krye të lëvizjes “Në Lëvizje”, e krijuar një vit më pare, ai mënjanon për herë të parë nga Elizeja dy partitë e mëdha të qeverisë, partinë socialiste dhe republikanët.
Lindja e Mesme e tensionuar
Më 5 qershor, Riadi dhe aleatët e tij ndërpresin marrëdhëniet me Katarin, duke e akuzuar për mbështetje të grupeve islamike radikale dhe për faktin e të qënit shumë pranë Iranit shiit, rivali i madh rajonal i Arabisë Saudite sunite.
Në nëntor, dorëheqja e (tërhequr më pas) e kryeministrit libanez, Saad Hariri i cili që nga Riadi akuzoi Iranin për ndërhyrje, rrit tensionet mes Arabisë Saudite dhe Iranit. Riadi shprehet gjithashtu se pas rebelimit të Houthis në Jemen fshihet dora e Teheranit, një fakt i përgënjeshtruar nga ky i fundit.
Venezuela në rënie ekonomike
Më 30 korrik, një Asamble Kushtetuese e pajisur me pushtet të pakufizuar dhe e bojkotuar nga opozita u zgjodh pas katër muaj manifestimesh të dhunshme. Ky institucion shkarkon nga funksionet prokuroren e përgjithshme, Luisa Ortega, kundërshtare e ashpër e presidentit Nicolas Maduro, më pas i cakton vetes kompetencat e Parlamentit.
Vendi, i shkatërruar nga zhvlerësimi i çmimit të naftës konsiderohet si një kolaps i pjesshëm i pagesave.
Pheniani në përshkallëzim tensionesh
Më 3 shtator, Koreja e Veriut që ka shtuar ndjeshëm lëshimet e raketave, ndërmori testin e gjashtë bërthamor më i fuqishmi deri më tani.
Në fund të nëntorit, lideri Kim Jong-Un deklaroi se vendi i tij është bërë një shtet bërthamor pasi testoi me sukses një lloj të ri rakete e aftë për të goditur cilindo shtet në SHBA. Donald Trump kërcënoi se do të shkatërronte plotësisht Korenë e Veriut në rast sulmi.
Rohingias: Spastrim etnik
Pas sulmeve në fund të muajit gusht kundër postave të policisë birmane, ushtria u kundërpërgjigj me sulme ajrore ndaj fshatrave rahingias. Më shumë se 640 000 anëtarë të këtij minoriteti mysliman të Birmanisë janë larguar prej kësaj periudhe në Bangladesh.
OKB-ja dënoncon ngjarjen si “spastrimin etinik”. Komisioneri i Lartë për të Drejtat e Njeriut citon elementë të gjenocidit.
Katalonja nën kujdestari
Më 1 tetor organizohet një referendum për pavarësinë në Katalonjë pavarësisht ndalimit nga gjykata spanjolle.
Më 27, parlamenti katalanas shpall në mënyrë të njëanshme pavarësinë, Madridi pezullon autonominë e rajonit, duke shkarkuar qeverinë rajonale dhe shpërbërë parlamentin për organizimin e zgjedhjeve të reja rajonale.
Presidenti i shkarkuar katalanas, Carles Puigdemont strehohet në Bruksel për t’i shpëtuar ndjekjes penale.
Weinstein valë tronditëse
Më 5 tetor, producenti i plotfuqishëm i Hollivudit, Harvey Weinstein është i akuzuar për abuzim seksual nga disa gra.
Në vorbullën e skandalit, akuzat për abuzim seksual, ngacmim apo përdhunim janë rritur ndjeshëm në vende të shumta, duke përfshirë përveç kinemasë fusha si media dhe politika.
Zimbabve dhe rrëzimi i Mugabes
Më 21 nëntor, Robert Mugabe, 93 vjeç jep dorëheqjen pas 37 vite të sundimit të tij, i rrëzuar nga pushteti nga ushtarkët e partisë së tij. Ai u shty drejt largimit pas përdorimit të forcës së ushtrisë e shkaktuar nga shkarkimi i zëvendës-presidentit të tij, Emmerson Mnangagwa. Ky i fundit e pasoi atë në marrjen e pushtetit.
ISIS-I në disfatë, por jo i çrrënjosur përfundimisht
Në Irak, më 9 dhjetor, Bagdadi njoftoi fitoren ndaj grupit të Shtetit Islamik (ISIS), por sipas ushtarakëve, organizata xhihadiste vijon të jetë ende një kërcënim për këtë shtet.
Në Siri, nëse ISIS-i humbi gjithashtu pjesën më të madhe të territorit të pushtuar, ai u rishfaq në fillim të dhjetorit në provincen e Idlebit.
Përveç këtyre dy shteteve, vende të shumta nga Egjipti deri në Britani të Madhe u goditën sërish këtë vit nga sulme të përgjakshme të ISIS-it.
Klima: Sinjale alarmante
Dy vite pas nënshkrimit të Marrëveshjes së Parisit për të luftuar kundër ngrohjes së planetit, 2017 u shënua nga njoftimi, më 1 qershor, i tërheqjes amerikane nga ky traktat. Globi përjetoi një seri katastrofash klimatike si uraganë dhe zjarre dhe ky vit pritet të llogaritet në mesin e tri viteve më të nxehta të regjistruara më parë. /ata/
Promo
Reklamo këtuLufta Prigozhin - Putin
Më shumëTjetër fitore për Ukrainën: Rusia tërheq nga vijat e frontit dhjetëra aeroplanë luftarak
Cila është brigada më e fuqishme e Ukrainës të cilën pritet ta furnizojë Pentagoni?
Human Rights Watch del me raport të ri mbi krimet ruse të luftës
Paketa ushtarake amerikane do ta ndihmojë Ukrainën të nisë ofensivë kundër rusëve, njofton këshilltari i sigurisë kombëtare të SHBA-së
Agjencitë e inteligjencës paralajmërojnë se Rusia po komploton sabotim në të gjithë Evropën
Vuçiq humb kontrollin gjatë konferencës, analisten amerikane Ivana Stradner e quan të çmendur
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak