Nuk gabon Chelsea, fiton ndaj Southamptonit (Video)

Chelsea ka fituar ndaj Southamptonit në Ligën Premier me rezultat 1-0.

Blutë ishin dukshëm më të mirë në këtë takim dhe në fund doli të jetë një fitore e merituar për kampionët aktual.

Në minutën e 14 një shans të mirë lëshoi Willian, ndërsa gjashtë minuta më vonë provoi edhe Marcos Alonso.

Gary Cahill (22′) N’Golo Kante (25′), Tiemoue Bakayoko (40′) dhe Pedro (43′), kishin raste për gol, por goli erdhi vetëm në kohën shtesë.

Ishte Alonso i cili shënoi golin e fitores nga gjuajta e lirë.

Në minutën e 63-të Charlie Austin kishte shans të mirë për të barazuar rezultatin, por dështoi.

Alonso provoi edhe për golin e dytë në minutën e 71-të, por Fraser Forster nuk lejoi që rrjeta e tij të tundet edhe një herë nga spanjolli. Vendasit provuan disa herë edhe në vazhdim, por nuk arritën të shënojnë golin e qetësisë.

Pas kësaj fitore Chelsea renditet në vendin e tretë me 38 pikë, kurse Southamptoni në pozitën e 12-të me 18 pikë.

Ndeshja e ardhshme e skuadrës së Antonio Contes është ndaj Evertonit, kurse ‘Saints’ kundër Huddersfield. /Telegrafi/

Marcos Alonso!!! What a curve! #CHESOU #CFC pic.twitter.com/ZrL5j8MroZ

— #ParkTheBus ?⚽️ (@FootballBus1) December 16, 2017