Emisioni “Metamorfoza” dhe Lia Stublla dhuruan kurse dhe makina rrobaqepësie për gratë amvise që deshën avancim (Video)

Emisioni “Metamorfoza” nga Suzana Mushkolaj sjell nga java në javë ndryshime interesante të femrave, që duan të ndryshojnë pamjen e tyre.

Me ndihmën e autores së emisionit, Suzana Mushkolajt, të gjitha pjesëmarrëse realizojnë ndryshimet që duan, qoftë në estetikën e fytyrës, ashtu edhe në stilin e veshjes.

Në fund të emisionit, shpesh ato janë befasuar me dhurata nga emisioni, siç kanë qenë kurset për rrobaqepësi, të cilat “Metamorfoza” ua ka mundësuar falas si dhuratë femrave që e kanë pasion rrobaqepësinë.

Por, për të gjitha ato që jetojnë larg kryeqytetit, dhe që nuk kanë mundësinë të ndjekin këtë kurs, “Metamorfoza” ua gjeti zgjidhjen!

Falë stilistes së njohur Lia Stublla, e cila përkrah këtë emision, ato arritën që të dhurojnë dy makina rrobaqepësie për gratë të cilat nuk patën mundësinë të ndjekin kursin, në mënyrë që ta zhvillojnë kështu në formë autodidakte pasionin e tyre.

Rasti konkret, ishte ai i Luljetës nga Klina në episodin e dymbëdhjetë, e cila u lumturua shumë kur në fund të emisionit u befasua me një dhuratë të tillë. /Telegrafi/