Janë bërë më shumë se një muaj nga vdekja e punëtorit të “Bechtel & Enka” Tafil Tafallari gjatë punës në autostradën Prishtinë – Shkup, “Arbën Xhaferi”.
Fiks një muaj pas raportit që paraqet rrjedhën e ngjarjes dhe shkaktarët, Inspektorati i Punës bazuar në këtë raport tashmë ka marrë një vendim ndaj kompanisë “Bechtel & Enka” në lidhje me vdekjen e 41 vjeçarit Tafil Tafallarit.
Inspektorati i Punës sot në bisedë për Ndërtimi.info ka kumtuar se tashmë kanë marrë vendim që kompanisë “Bechtel & Enka” t’i shqiptohet masë ndëshkimore gjobë në vlerë 7 mijë e 500 euro.
Këtë gjobë e ka bërë të ditur për Ndërtimi.info zëvendëskryeinspektori i Punës, Agim Millaku. Ai ka theksuar se kjo masë mund të ndryshojë në shkallën e dytë.
“Inspektori i punës ka dhënë një vendim për shqiptimin e masës ndëshkimore gjobë. Shuma e shqiptuar si gjobë është 7 mijë e 500 euro. Por, kjo nuk është definitive sepse mund të ndryshojë në shkallën e dytë, pastaj është Gjykata Themelore gjykata e apelit, Gjykata Supreme. Kjo ankimohet deri në përmbarim. Pra, ky është vetëm hapi i parë i inspektorit”, ka treguar Millaku.
Për të ardhur deri te ky vendim Inspektorati i Punës së Kosovës ka kryer procedurat e nevojshme për të gjetura shkaktarët e vdekjes së Tafil Tafallarit dhe ka hartuar një raport përfundimtar të ngjarjes, raporton Ndërtimi.info.
Ky raport thekson rrjedhën e ngjarjes në bazë të dëshmive të dëshmitarëve, mënyrën e organizimit të punës nga punëdhënësi dhe shkaktarët e vdekjes së punëtorit.
E, në lidhje me këtë raport, kompania “Bechtel & Enka” ka dorëzuar vërejtjet e saj pak para se Inspektorati i Punës të marrë vendimin e tij.
Se kjo kompani kishte vërejtje në lidhje me raportin ka thënë zëdhënësja e saj, Ela Ruçi në një përgjigje elektronike për Ndërtimi.info.
“BEGP mori Raportin e Inspektoratit të Punës ditën e enjte dhe ka dorëzuar komentet zyrtare në lidhje me aksidentin tragjik. Ne jemi te angazhuar të punojmë me të gjitha institucionet përkatëse dhe kemi dorëzuar të gjithë dokumentacionin e kërkuar. BEGP e konsideron sigurinë e punonjësve të saj si gjënë absolutisht më të rëndësishme”, ka nënvizuar ajo.
Derisa, Ruçi nuk ka treguar se cilat janë vërejtjet e kompanisë që ajo përfaqëson, këtë e ka bërë i dyti i Inspektoratit të Punës, Agim Millaku.
Millaku, ka deklaruara se “Bechtel & Enka” ka kundërshtuar vetëm pikën e organizimit të punës, duke u pajtuar me pikat tjera të raportit, edhe me shkaktarët e vdekjes së punëtorit.
“Vërejtjet kryesisht janë të orientuara në çështjen e kundërshtimit të raportit të Inspektoratit të punës në lidhje me organizimin e punës së punëdhënësit në vendin e punës. Në pjesën tjetër si shkaktar i aksidentit të gjeturat e Inspektoratit të Punës përputhen me të gjeturat e punëdhënësit, sepse edhe ai ka bërë një raport. Pra, janë të pajtimit të gjitha ato që inspektori i ka vlerësuar”, ka theksuar ai.
Ndërkaq, raporti i Inspektoratit të Punës i hartuar më 3 nëntor, kishte gjetur se organizmi i punës nuk ka qenë në nivelin e duhur e i përcjellur mirë dhe punëdhënësi e ka vënë punëtorin në rrezik jete. Në bazë të këtij raporti “Bechtel & Enka” kishte bërë shkelje të disa dispozitave ligjore.
Tafil Tafallari nga Prizreni kishte gjetur vdekjen më 28 tetor gjatë punës në autostradën “Arbën Xhaferi”, saktësisht në fshatin Kovaçec të Kaçanikut./Ndertimi.info/Telegrafi/
Promo
Reklamo këtuLufta Prigozhin - Putin
Më shumëHekeni dertin e internetit gjatë Haxhit, 99esim.com ju ofron internet superior në Arabinë Saudite
Ligji i ri i komunikacionit sjell probleme për kompanitë e veturave me qira
Punë në Gjermani? Dy ndryshime me interes hyjnë në fuqi që nga 1 qershori
Telegrafi Jobs lidh punëkërkuesit me punëdhënësit
Lansohet BrainHero: Platforma AI që zhvillon kreativitetin e fëmijëve
Nxitja e imagjinatës tek fëmijët përmes platformës Brainhero.ai
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Pse çdo prind duhet të zgjedhë këpucët apo atletet Reebok në Melodia Px për fëmijët e tyre?!
Eksploro natyrën dhe ngjit majat me çizmet e duhura
Formësoje trupin me peshën Martes
Rehatohu n’plazh mirë dhe lirë
Për çfarë vibes je – Summer Vibes apo Good Vibes?
Më të lexuarat
Mozzik dhe Lotina Haziri në një lidhje dashurie?
Si e ndryshoi historinë amerikane ylli i filmave për të rritur?
Aksion i policisë në Leposaviq, konfiskohen dhjetëra uniforma të policisë serbe
Dënime drakonike për duhanxhinjtë: 20 mijë euro gjoba për bizneset, 200 euro për personat që pinë duhan në ambiente të mbyllura
Donald Trump filloi të thotë gënjeshtra - shumë televizione amerikane ndërprenë transmetimin e konferencës
Sir Alex Ferguson nuk i foli asnjëherë lojtarit që ishte blerja e tij e fundit tek Man United