Brovina nuk kërkon kompensim- Deliu e rezervon këtë të drejtë

E plotësuar: Flora Brovina nuk kërkoi kompensim në gjykimin e kolegëve të saj nga Vetëvendosja, ndërsa Blerta Deliu e rezervoi këtë të drejtë.

Deputetja Flora Brovina, njëra nga të dëmtuarat e procesit gjyqësor kundër katër deputetëve të VV-së nuk kërkoi kompensim për dëmin.

Brovina tha se nuk do të paraqesë kërkesë pasuroro-juridike.

Ndryshe nga Brovina, deputetja tjetër r PDK-së Blerta Deliu- Kodra tha se do ta rezervojë të drejtën për të kërkuar kompensim, raporton Kallxo.com

Para se të deklaroheshin rreth kompensimit Brovina e Deliu- Kodra, deputetët e VV-së Albin Kurti, Albulena Haxhiu, Donika Kadaj-Bujupi e Faton Topalli u deklaruan të pafajshëm.

Deputetët e VV-së deklarohen të pafajshëm

E plotësuar: Deputetët e Vetëvendosjes Albin Kurti, Faton Topalli, Donika Kadaj-Bjupi dhe Albulena Haxhiu janë deklaruar të pafajshëm sot pasi prokurori ua lexoi aktakuzën.

Ata akuzohen për hedhjen e gazit të lotsjellës në Kuvendin e Kosovës.

Haxhiu dhe Topalli kanë shkuar në seancë në bazë të thirrjes së gjyqtarit, ndërkohë që Kurti dhe Kadaj-Bujupi janë sjellë nga paraburgimi pasi që janë arrestuar për shkelje të arrestit shtëpiak.

Ndërkohë dëshmitarët e këtij rastit, deputetët Xhavit Haliti, Blerta Deliu Kodra, Bekimi Haxhiu janë liruar nga seanca deri të ftesën e radhës për të dëshmuar.

Mbrojtja e deputetëve të VV-së konsultohet lidhur me kërkesën për përjashtimin e trupit gjykues

E plotësuar: Mbrojtja e deputetëve të Vetëvendosjes ka kërkuar dhjetë minuta pauzë për tu konsultuar lidhur me kërkesën për përjashtimin e tërë trupit gjykues për këtë rast.

Fillon seanca ndaj Kurtit, Kadaj-Bujupit, Haxhiut e Topallit

E plotësuar: Ka filluar seanca gjyqësore në Gjykatën Themelore në Prishtinë ndaj katër deputetëve të Lëvizjes Vetëvendosje, Albin Kurti, Donika Kadaj-Bujupi, Albulena Haxhiu dhe Faton Topalli.

Fillon seanca ndaj Kurtit, Kadaj-Bujupit, Haxhiut e Topalli.

Në gjykatë janë parë Albulena Haxhiu, Albin Kurti e Donika Kadaj-Bujupi.

Dy të fundit janë sjellë me pranga në gjykatore, pasi u arrestuan para disa ditësh (më 27 nëntor), kur thyen masën e arrestit shtëpiak dhe u paraqitën në festën e Vetëvendosjes në Prishtinë, njofton Klan Kosova. Deputetët e Vetëvendosjes akuzohen nga prokuroria për hedhje të gazit lotsjellës.