Edhe Uma Thurman ishte viktimë e abuzimit nga Harvey Weinstein

Përmes një postimi në rrjetet sociale, Uma Thurman ka lënë të kuptohet se edhe ajo ka qenë viktimë e mogulit të filmit, Harvey Weinstein.

“Jam falënderuese që jam gjallë, për të gjithë ata që i dua dhe të gjithë ata që kanë guximin që t’u dalin në krah të tjerëve”.

“Kam thënë se kam qenë e hidhëruar kohët e fundit dhe kam disa arsye, ‘#metoo’ (edhe unë) në rast se nuk keni mundur ta vëreni nga dukja e fytyrës”, ka shkruar mes tjerash aktorja në Instagram.

H A P P Y T H A N K S G I V I N G I am grateful today, to be alive, for all those I love, and for all those who have the courage to stand up for others. I said I was angry recently, and I have a few reasons, #metoo, in case you couldn’t tell by the look on my face. I feel it’s important to take your time, be fair, be exact, so… Happy Thanksgiving Everyone! (Except you Harvey, and all your wicked conspirators – I’m glad it’s going slowly – you don’t deserve a bullet) -stay tuned Uma Thurman

A post shared by Uma Thurman (@ithurman) on Nov 23, 2017 at 12:58pm PST

Përmes hashtagut ‘edhe unë’, ajo ka treguar se ka qenë njëra prej viktimave seksuale të producentit të famshëm.

Në urimin e saj, Uma e ka përjashtuar Weinsteinin dhe bashkëpunëtorët e tij të komplotit duke shtuar: “Jam e lumtur që gjithçka po shkon ngadalë, sepse ti nuk e meriton plumbin”.

Krahas këtij përshkrimi e ka publikuar edhe një fotografi të personazhit Beatrix Kiddo nga filmi “Kill Bill: Volume 2” që e ka prodhuar Miramax, themelues të të cilit janë Harvey Weinstein dhe vëllai i tij, Bob Weinstein.

Kjo ka bërë që të spekulohet se Thurman është keqtrajtuar pikërisht gjatë kohës kur po xhirohej ai film.

Ndryshe, Weinstein është akuzuar për abuzim seksual të një numri të madh të femrave në Hollywood, duke nisur nga shqetësimi deri te përdhunimi.

Hashtagun ‘edhe unë’ (#metoo) e përdorin femrat, të cilat kanë qenë viktimë e tij. 93 është numri i femrave që e kanë akuzuar deri më tani producentin hollivudian.

Gjatë karrierës, Thurman ka bashkëpunuar me Weinstein disa herë, edhe atë në filmat, si “Pulp Fiction” (1994), “A Month By The Lake” (1995), “Beautiful Girls” (1996) e “Vatel” (2000). /Telegrafi/