Vetëm tre për qind e qytetarëve të Maqedonisë të përgatitur të blejnë online

Për momentin vetëm tre për qind e popullatës së përgjithshme në Maqedoni ose gjatë për qind e njerëzve të moshës midis 19 dhe 54 vjet janë të përgatitur të blejnë online prodhime për konsum të gjerë, tregon hulumtimi i agjencisë “Insajder ID” të përpunuar për nevojat e AIIWeb konferenca për margeting digjital.

Hulumtimi tregon se 66 për qind e konsumatorëve të Maqedonisë të moshës midis 19 dhe 54 vjet kanë blerë shumë çka online, pa dallim nëse kanë shpenzuar dhjetë euro ose dhjetë mijë euro.

Sipas Sergej Zafirovski nga “Insajder ID” agjencia për marketing hulumtime, ky është hulumtimi i parë i llojit të tillë në Maqedoni dhe ka të bëjë me internet tregun të mallrave për konsum të gjerë.

“Ajo që deri më tani tregohet në Maqedoni si numër i blerësve, ato janë të dhëna historike, gjegjësisht sipas transaksioneve që njerëzit i kanë bërë në periudhën prej 12 muajve ose 12 viteve. Informacioni më i rëndësishëm është të dimë sa numër të njerëzve në përgjithësi kanë blerë dikur diçka në internet dhe për këtë ishte hulumtimi i plotë për të marrë disa numra dhe matrika pse njerëzit blejnë, pse jo dhe në çfarë kushte do të mund ta ndryshojnë mendimin. Nëse do të blejnë onlajn prodhime që nuk janë adekuate të blihen onlajn dhe në nivel botëror, si mishi, djathi, kaçkavali dhe prodhime tjera senzitive, për të cilat ende vlejnë rregullat se konsumatorët dëshirojnë ta shohin produktin për ta blerë”, deklaroi Zafirovski.

Sipas Zafirovskit, nëse marrim si shembull se Maqedonia ka 2.100.000 banorë, rreth 27 për qind e popullatës për momentin janë onlajn konsumatorë potencialë, ndërsa tregu maksimal projektohet midis 550 dhe 600 mijë njerëz.

Kemi bërë projeksion të potencialit financiar të tregut, vazhdoi ai, dhe për këtë qëllim kemi marrë të dhëna për 40 zinxhirë më të mëdhenj të marketeve në Maqedoni, që së bashku bëjnë rreth 650 milionë euro në vit.

Kompanitë e Maqedonisë, porositi Zafirovski janë larg të përgatitur për të marrë pjesë në mënyrë elektronike në treg.

Thekson se për momentin në treg ka dy kompani, nga të cilat njëra realisht shumë mirë e komercializon sistemin dhe punon mirë në temën ndërsa lojtari i dytë në periudhën e fundit ngec shumë dhe humbet nga tregu.

Sipas hulumtimit, konsumatorët onlajn të Maqedonisë më së shumti dyshojnë në cilësinë dhe sigurinë gjatë blerjes.

Hulumtimi është zbatuar në periudhën nga 1 tetorit deri më 1 nëntor të këtij viti, në shembullin kualifikues prej 1.200 njerëzve në Maqedoni. Të anketuar janë njerëz nga mjedise urbane midis moshës 19 dhe 54 vjet. Janë shfrytëzuar dy metoda, anketimi onlajn përmes pyetësorit dhe anketa klasike në terren në lokacione neutrale.