Ancelotti kërkon reforma të thella para se ta pranojë stolin e Italisë

Carlo Ancelotti thuhet se kërkon reforma në Federatën Italiane të Futbollit [FIGC] përpara se të mund të pajtohet me kushtet për të drejtuar kombëtaren e Italisë.

Kombëtarja e Italisë ka mbetur pa trajner që disa ditë pas shkarkimit nga detyra e trajnerit Giampiero Ventura.

Shkarkimi i Venturas erdhi pas dështimit për të kualifikuar Azzurrët në një kampionati botëror që nga viti 1958.

Lexo po ashtu Largimi i Venturas pothuajse punë e kryer, gjashtë emrat më seriozë që mund ta zëvendësojë atë te Italia (Foto)

Pas këtij shkarkimi, drejtuesit e FIGC-së janë vënë në kërkim të një trajneri të madh me emër për të drejtuar kombëtaren e tyre.

Carlo Ancelotti, Antonio Conte, Luigi Di Biago dhe Roberto Mancini janë përmendur si emrat e mundshëm, por ky i fundit mohoi mundësinë e drejtimit të kombëtares pasi ndihet i lumtur te skuadra ruse, Zenit.

Sipas Gazzetta dello Sport, “bisedimet informate” tashmë kanë ndodhur midis Ancelottit dhe shefit të FIGC-së, Carlo Tavecchio.

Lexo po ashtu Mancini refuzon Italinë: Jam i lumtur te Zeniti

Megjithatë, gazeta paralajmëron se “një projekt serioz është zgjidhja e vetme” për 58-vjeçarin nëse ai do të pasojë Giampiero Ventura.

Për më tepër, ish-trajneri i Milanit dhe Real Madridit aktualisht jeton në Canada dhe ende nuk e ka asnjë plan për të udhëtuar në Evropë, e lëre më në Itali, por me plotësimin e kushteve gjithçka mund të ndodh. /Telegrafi/