Gashi në “Personale”: Unë nuk ndërmjetësova, Ibrahim Rugova e ka bërë Haradinajn kryeministër (Video)

Zëvendëskryeministri dhe Ministri i Diasporës dhe Invetimeve Strtegjike, Dardan Gashi, në emisionin “Personale” të RTV Dukagjini, duke folur për rolin e tij në themelimin e qeverisë Haradinaj, thotë se Haradinaj nuk ka pasur nevojë për ndërmjetësimin e tij.

Gashi thotë se kësaj teme i janë dhënë ngjyrime të ndryshme, por shumicën e njerëzve që janë tash në Qeveri i ka miq.

Gashi thotë se ideja ka qenë të mos bllokohet shteti, të krijohen institucionet, kurse mandati i takonte Haradinajt si fitues i zgjedhjeve.

“Nuk ka nevojë Haradinaj për ndërmjetësim. Haradinaj është bërë kryeministër nga Ibrahim Rugova. Unë jam mik i familjes Rugova. Baba im gjithashtu ka qenë mik me Ibrahim Rugovën. Haradinajn e ka emëruar Rugova kryeministër me gjithë ato vota që i ka pasur LDK-ja. Edhe tash  Haradinaj i ka pasur votat për ta themeluar Qeverinë”, tha Gashi.

Thotë se kjo qeveri do të jetë shumë e suksesshëm, sepse për dy muaj ka marrë shumë vendime.

Sipas tij, kjo qeveri do të punojë katër vjet.

Gashi thotë se numër të përafërt të zëvendësministrave ka pasur edhe Qeveria e Isa Mustafës, por ky numër, sipas tij është në proporcion me numrin e partnerëve në koalicion.

“jemi koalicion heterogjen dhe kemi nevojë të kemi kaq shumë zëvendësministra, sepse duhet t’i akomodojmë njerëzit”, tha ai./Telegrafi/

https://www.youtube.com/watch?v=sg7Q4e69KzM