Evra sikurse Cantona, shqelmon tifozin në fytyrë (Foto/Video)

Mbrojtësi, Patrice Evra është bërë lojtari i parë në histori të Ligës së Evropës që ndëshkohet ma karton të kuq para fillimit të ndeshjes, pasi ka shqelmuar një tifoz të klubit të tij. 

Një ngjarje interesante ka ndodhur sot(e enjte) gjatë ndeshjes së vlefshme për grupet e Ligës së Evropës në mes të skuadrës portugeze, Guimares dhe asaj franceze, Marseille.

Është mbrojtësi francez, Evra, i cili është ndëshkuar ma karton të kuq para se të fillojë ndeshja e Ligës së Evropës mes këtyre dy skuadra, e vlefshme për xhiron e katërt të Grupit I.

Ish-lojtari i Manchester Unitedit dhe Juventusit para fillimit të ndeshjes, ka pasur një zënkë me tifozët klubit të tij, duke e goditur njërin prej tyre me shqelm në fytyrë.

Kjo sjellje e tij ka detyruar gjyqtarin t’ia tregojë kartonin e kuq dhe t’ia mohoj drejtën e lojës për këtë ndeshjes, por arsyeja thuhet se ishte e fortë pasi tifozët kishin bërë thirrje raciste në drejtim të lojtarëve.

Ndryshe, Evra thuhet se është bërë lojtari i parë në histori të Ligës së Evropës që ndëshkohet ma karton të kuq para fillimit të një ndeshje.

Evra nuk është francezi i parë që e shqelmon një tifoz, pasi në të kaluarën këtë e kishte bërë edhe sulmuesi Eric Cantona.

Sulmuesi francez kishte goditur me shkelm një tifoz në një ndeshje të Ligës Premier sa ishte pjesë e Manchester Unitedit. /Telegrafi/

?: The " Evra incident " ? #UEL #EuropaLeague pic.twitter.com/rt6FspAoB0

— ShibashishChatterjee (@truthserum07) November 2, 2017