Ahmeti uron Lladrovcin: Përkrahjen time dhe të miqve e ke, dalsh faqebardhë! (Foto)

Kryetari i BDI-së, Ali Ahmeti ka ururar Ramiz Lladrovcin për fitoren që në rrethin e parë në Drenas të Kosovës.

‘‘I dashur Ramiz, Më lejo të të shpreh përgëzimet e mia më të sinqerta për besimin e fituar nga qytetarët e Drenasit për ta drejtuar komunën në mandatin e ardhshëm. Ky besim i madh të obligon shumë dhe jam i bindur se ashtu siç i ke dal në shërbim popullit në kohërat më të vështira, ashtu do ti shërbesh qyetarëve edhe në krye të komunës. Përkrahjen time dhe të miqve e ke, dalsh faqëbardhe!”

Ahmeti ka ururar të gjithë qytetarët e Kosovës dhe partitë politike për procesin dinjitoz zgjedhor.
”Uroj dhe të gjithë qytetarët e Kosovës bashkë me të gjitha partitë politike dhe garuesit në këto zgjedhje për procesin dinjitoz zgjedhor me të cilin fitoi Kosova.”

Ahmeti ka uruar edhe Bekim Jasharin për fitoren në Skenderaj duke thënë
”I dashur Bekim, fitorja yte e djeshme për të parin e Skenderajt më gëzoi shumë dhe desha të të uroj sëpari shumë shëndet, e më pas edhe suksese në kryerjen e punës me përgjegjësi.
Jam plotësisht i bindur në përkushtimin tënd të plotë për të mirën e përbashkët të të gjithë qytetarëve jo vetëm të Skenderajt, por edhe gjithë Kosovës. Të fala familjes,”