Blerta Deliu-Kodra mohon pjesëmarrjen në “O Sa Mirë”: Fotografia me kolegët ishte dëshirë e fëmijëve (Foto)

Deputetja e Kuvendit të Kosovë nga radhët e koalicionit PAN, Blerta Deliu, njihet për publikun si artiste, ngase është marrë me aktrim dhe prezantim, gjë për të cilën në fakt edhe ka studiar dhe e ka profesion, ndonëse nuk e ushtron aktualisht.

Sido që të jetë, e njëjta këto ditë është përfolur në disa media se po i rikthehet aktrimit, duke u bërë pjesë e një nga episodeve të hit serialit “O Sa Mirë”.

Dyshimet lindën nga një fotografi e publikuar në rrjetin social Instagram, ku Blerta u shfaq krah për krah me skenaristin e “O Sa Mirë”, Ard Islamin, aktorët: Edi Kastrati dhe Rdivan Murati, si dhe vajzës së saj.

"O sa mirë", kur mbretëron heshtja, na e kemi zgjedh buzëqeshjen! ?#smile

A post shared by Blerta Deliu (@blertadeliu.official) on Oct 21, 2017 at 10:50am PDT

Duke qenë se “O Sa Mirë” ka pritur shumë emra të njohur të politikës në disa prej episodeve të tij, përshfirë këtu edhe të parin e PDK-së, Kadri Veselin, dyshimet se Deliu-Kodra mund të ishte mysafirja e ardhshme ishin të mëdha.

Megjithatë, e kontaktuar nga Telegrafi, deputetja e PDK-së, Blerta Deliu mohoi të jetë pjesë e episodit të ri të serialit, duke thënë se fotografia në fjalë ishte thjeshtë rastësore.

“Jo, të them të drejtën unë kam qenë me vajzën time, dhe dëshira ishte për të bërë një fotografi spontante dhe e realizuam. Fëmijët e mi e duan shumë serialin “O Sa Mirë”, dhe gjithashtu dhe unë, ndaj një fotografi nga afër me protagonistët e tij, u mirëprit shumë mirë nga vajza ime”, tha Blerta Deliu-Kodra për Telegrafin.

Në vazhdimin e bisedës, deputetja tregoi se për momentin nuk e ka ndërmend t’i rikthehet aktrimit, ndërsa tregoi se “O Sa Mirë” sipas saj është një prej prodhimeve filmike më të mira viteve të fundit.

“Për momentin nuk do t’i kthehem aktrimit. Ndërsa sa i përket serialit “O Sa Mirë”, unë jam shumë lumtur për kolegët e mi që bëjnë një punë aq të mirë. Më vjen mirë së pari që një seria si ai, ka arritur të sjell pak frymë nga shumë prej trevave shqiptare duke i bashkuar në një projekt. E ndjek me shumë kënaqi me familjen time, ashtu si edhe shumë shqiptarë”, përfundoi Blerta.

Lexo po ashtu Skenaristi i "O Sa Mirë", Ard Islami pyetet për mungesën e 'Xhesikës': Seriali bën edhe pa të (Video)

Ndryshe, kasti i serialit ka bërë të ditur se nga java e ardhshme do të fillojë me sezonin e ri të “O Sa Mirë”, ku edhe kësaj radhe do të ketë shumë risi, e të ftuar specialë nga java në javë. /Telegrafi/