Qeveria dhe Ministria e Financave në përgatitje të buxhetit për vitin 2018

Qeveria e Maqedonisë dhe Ministria e Financave janë duke përgatitur buxhetin për vitin 2018. Edhe pse premtuan, deri më tani në përgatitjen e arkës shtetërore nuk janë përfshirë organizatat joqeveritare.

Një pjesë e ekspertëve nuk kanë të dhëna se në cilën fazë ka arritur përpilimi i buxhetit të ri, ndërsa thuhet se ka probleme edhe me transparencën.

“Një pjesë e problemeve janë në transparencën dhe në atë që planifikohet si shpenzim buxhetor si dhe në pjesën e realizimit të buxhetit. Ka shumë gjëra që mund të përmirësohen”, tha Aleksandar Nikolovski.

Nga Ministria e Financave konfirmuan se është duke u përgatitur Arka e shtetit për vitin 2018.

Ndryshe, vërejtjet e OJQ-ve nuk i dëgjoi askush pasi nuk kishte asnjë përfaqësues nga dikasteri i financave.

Gjithashtu nuk dëgjuan as se rritjen e ekonomisë vendore duhet ta ndjejnë edhe amvisëritë e jo vetëm të debatohet për përqindjet e rritjes, siç ishte rast në Samitin 100 që u mbajt këtë vit, kur kryeministri Zoran Zaev kërkoi rritje prej minimum 5%.