Alban Mehmeti së shpejti baba për herë të dytë, gruaja e tij shfaqet me barkun e rrumbullakosur (Foto)

Këngëtari Alban Mehmeti ditë më parë publikoi projektin e tij më të ri muzikor me titull “Vonë”.

Kënga u pëlqye shumë nga publiku që në momentet e para të publikimit, gjersa për Telegrafin, këngëtari tregoi se do të presim në vazhdim edhe shumë projekte tjera nga ai.

“Kam një fushatë projektesh. Para katër muajsh kam realizuar një album me këngë të lehta dhe me që na zuri sezona e verës, ka mbetur që të lansohet këtë muaj. Ndërsa kam edhe një tjetër projekt me këngëtaren e njohur Kaltrina Selimi, dhe gjithashtu pesë këngë tjer që pritet të lansohen para vitit të ri. Shpresoj se do të arrij t’i sjell diçka të bukur publikut”, ka thënë Alban Mehmeti për Telegrafin.

Lexo po ashtu Nuk është "Vonë" për Alban Mehmetin, këngëtari flet rreth projekteve të reja që do t'i sjellë së shpejti (Foto)

Ndërkohë, këngëtari duket mjaft i plotësuar edhe në jetën private, teksa është dhënë lajmi se së shpejti ai do të bëhet baba për herë të dytë.

Ky konfirmim vjen nga fotografitë që bashkëshortja e tij Fjolla Svirca-Mehmeti ka publikuar në Instagram, në të cilat shfaqet me barkun e rrumbullakosur.

E njëjta këto fotografi i kishte realizuar në dasmën e Labit dhe Qëndresës, teksa ka marrë shumë urime të përzemërta nga ndjekësit e saj. /Telegrafi/