Presidenti i Kosovës, Hashim Thaçi, është takuar me përfaqësuesit e shteteve anëtare të QUINT-it dhe shtetet anëtare të Bashkimit Evropian, për të shprehur pakënaqësinë e Kosovës, për mos dekretimin e kandidatëve serbë për gjyqtarë dhe prokurorë. Kështu ka konfirmuar për Telegrafin Zyra e Presidentit.
Sipas Zyrës së Presidentit, në takim me përfaqësuesit e vendeve të QUINT-it presidenti Thaçi ka thënë se kjo është edhe një dështim dhe paaftësi tjetër e Bashkimit Evropian.
“Në këtë takim, presidenti Thaçi ka theksuar se pengimi i kandidatëve për gjyqtarë dhe prokurorë që të vinë për dekretim tek Presidenti, është edhe një dështim dhe paaftësi tjetër e BE-së si ndërmjetësuese në këtë proces të zbatimit të Marrëveshjes për Drejtësi”, thuhet në përgjigjen për Telegrafin.
Veprimi i gjyqtarëve dhe prokurorëve të komunitetit serb, ka ardhur si pasojë e pengimit nga ana e qeverisë së Serbisë.
Presidenca tha se kjo është kundër integrimit të komunitetit serb në sistemin gjyqësor dhe prokurorial të Kosovës.
“Ky është vetëm një hap tjetër, në kuadër të fushatës së Beogradit që ka ndërmarrë kundër qytetarëve tanë. Përfshirja e gjyqtarëve dhe prokurorëve nga radhët e komuniteteve jo shumicë në Republikën e Kosovës, ka rol të madh në jetën e komuniteteve, në realizimin e të drejtave të tyre dhe në sigurinë e qasjes së barabartë në drejtësi. Prandaj, kjo duhet të ndodh”, ka thënë Presidenca.
Republika e Kosovës do të vazhdojë të funksionojë bazuar në parimet kushtetuese të gjithë-përfshirjes.
“Ne kemi marrë obligime ndërkombëtare për zbatimin e plotë të marrëveshjeve të arritura në Bruksel. Prandaj, institucionet e Kosovës janë gati që kjo marrëveshje të jetësohet çdo kohë. Pavarësisht këtij dështimi të qëllimshëm të orkestruar nga Serbia, Republika e Kosovës do të vazhdojë të funksionojë, bazuar në parimet kushtetuese të gjithë-përfshirjes. Ftojmë edhe një herë palët e Marrëveshjes për Drejtësi që të kryejnë obligimet e tyre. Republika e Kosovës ka përmbushur obligimet e saj në çdo aspekt”, thuhet në deklaratën nga Presidenca.
Ndërkaq, edhe Bashkimi Evropian ka shprehur keqardhje për kërkesën e Serbisë që integrimi i personelit serb nga veriu në gjyqësorin e Kosovës të shtyhet.
Zëdhënësja e Komisionit Evropian, Maja Kocijançiq, ka thënë se Prishtina i ka përmbushur të gjitha obligimet lidhur me zbatimin e marrëveshjes gjyqësore.
“Është shumë e rëndësishme se integrimi i stafit të ndodhë, sepse kjo do të kontribuojë për sundimin e ligjit në Kosovë, përkatësisht në rajonin e Mitrovicës”, tha ajo në një konferencë shtypi në Bruksel, duke shtuar se është e domosdoshme që kjo të ndodhë sa më shpejt që të jetë e mundur”, ka thënë Kocijançiq.
Ajo po ashtu ka pranuar se zbatimi i marrëveshjeve nga dialogu në Bruksel mbetet një sfidë dhe për këtë po punohet me të dyja palët./Telegrafi/
Promo
Reklamo këtuLufta Prigozhin - Putin
Më shumëNga Rubrika
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Ambasadori i Finlandës: Anëtarësimi i Kosovës në NATO do të bëhet realitet
Dashtevski: Jemi të përgatitur për zgjedhjet, rezultatet e para do të shpallen para mesnate
Ambasadori i Finlandës: Anëtarësimi i Kosovës në NATO do të bëhet realitet
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Alarmi i Alicia Kearns për Ballkanin, politologët komentojnë deklaratën e deputetes britanike
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
“Paratë, ose do të vras djalin”, polici kërcënon qytetarin se nuk i dha ryshfet
Parlamenti britanik miratoi mocionin e Alicia Kearns për Kosovën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit