Partitë vazhdojnë premtimet deri në sekondin e fundit të fushatës

Partitë politike në Maqedoni edhe gjatë ditës së djeshme kanë vijuar me aktivitetet e tyre në kuadër të fushatës zgjedhore. Telegrafi Maqedoni ju sjell të përmbledhur në një vend takimet e partive më të mëdha me qytetarët.

Bashkimi Demokratik për Integrim mbrëmë ka qëndruar me votuesit e Tetovës duke ju premtuar vazhdim të punëve nga kandidatje e tyre, Teuta Arifi. Ajo ka premtuar se do të vazhdojë punën pasi e ka amanet Tetovën.

PDSH ka qenë në disa lagje të Tetovës dhe në Bogovinë ku kanë prezentuar kandidatët, Bardhyl Dauti dhe Elvir Iseini në komunat respektive.

Aleanca për shqiptarët ka qenë në mesin e qytetarëve të Gostivarit dhe Tetovës. Në Gostivar është mbajtur tubimi qendror ku kanë premtuar punë dhe transparencë në këtë komunë.

Lëvizja Besa dje ka qenë në tubime në disa komuna por kryetari i kësaj partie ka qenë nëpër qytetin e Tetovës ku ka premtuar zhvillim të komunës së Tetovës, ku edhe është kandidat.

RDK-ja dhe Uniteti, nën koalicionin Aleanca për shqiptarët kanë qëndruar me votues dhe qytetarë të Gostivarit ku kandidati i tyre, Shpat Iseni ka thënë se Gostivari do të duket ndryshe.

LSDM-ja ka qenë në mesin e votuesve në Probishtip dhe Komunën Qendër në Shkup.

OBRM-PDUKM-ja e Gruevskit ka qenë në Veles dhe komunat përreth.

Fushata zgjedhore mbaron sonte në mesnatë. /Telegrafi/