LAJMI I FUNDIT:

Bogoevski: Nuk kemi nevojë për pseudo-patriotizmin e Gruevskit

Bogoevski: Nuk kemi nevojë për pseudo-patriotizmin e Gruevskit

Nikolla Gruevski mbron interesat e një grupi të vogë të njerëzve, Maqedonia nuk ka nevojë për pseudo-patriotizmin e tij. Aksionet e fundit të Gruevskit përkujtojnë kohën e Sllobodan Millosheviqit. Marrëveshja për fqinjësi të mirë me Bullgarinë hap perspektiva të mëdha, thotë në intervistë për agjencinë bullgare BGNES, Petar Bogoevski, njëri nga liderët e Nismës për reforma dhe demokratizim të OBRM-PDUKM-së.

Sipas Bogoevskit, duhet të bëhet dallim i qartë ndërmjet OBRM-PDUKM-së dhe Nikolla Gruevskit.


“Nëse është në rrezik karriera e një politikani, nuk do të thotë se rrezikohet ardhmëria e vendit. Nuk duhet të jemi peng i politikanëve të papërgjegjshëm të cilët na prezantojnë interesat e tyre personale si interesa kombëtare”, shtoi Bogoevski.

Në lidhje me “Erën e re” të Gruevskit ai tha se ajo mund të krahasohet me atë të Millosheviqit, kjo nuk është e çuditshme vetëm për votuesit e tyre, por nuk haset as në literaturën politike që një politikan që përfundon karrierën e tij politike atë ta bëj nëpërmjet një “ere të re”./Telegrafi/