MASH: Studentët duhet të vijojnë studimet në përputhje me kushtet që janë regjistruar

Ministria për Arsim dhe Shkencë (MASH), kumton se në periudhën e fundit ka pranuar një numër të madh të ankesave nga studentët të cilët janë regjistruar në studime të disperzuara në Shkup pranë Universitetit Shtetëror në Tetovë (USHT).

Atyre u është kumtuar se mësimi duhet të vazhdojë të ndiqet në fakultetet amë të USHT-së dhe në studime të disperzuara në Shkup, ashtu siç është parë paraprakisht me konkursin për regjistrim dhe marrëveshjet e arritura për studim, përcjell Telegrafi Maqedoni.

”Theksojmë se universitetet në të cilët mësimi zhvillohet në studime të disperzuara, me konkursin për regjistrim dhe marrëveshjet e arritura për studim janë kryer për t’iu mundësuar studentëve të studiojnë në këto studime. Ndryshimi i kushteve për studim që kur kanë filluar studimet, në kundërshtim me vullnetin e studentëve, nënkupton mos rrespektimin e marrëveshjes së arritur”.

“Universitetet duhet t’iu mundësojnë studentëve të kryejnë studimet e tyre në përputhje me kushtet të cilët janë regjistruar”, kumton MASH./Telegrafi/