Kotzias: Emri dhe përdorimi i tij, gjuha, nënshtetësia dhe shkurtesat janë pjesë të kontestit të emrit

Ministri për punë të jashtme i Greqisë, Nikos Kotzias, mbrëmë në New York ka realizuar takim me ndërmjetësuesin për çështjen e emrit, Matthew Nimetz.

Sipas agjencionit informativ grek APE, Kotzias takimin me ministrin e punëve të jashtme të Maqedonisë, Nikolla Dimitrov e ka vlerësuar si jashtëzakonisht miqësore dhe kanë biseduar për mënyrat për qasje drejt zgjidhjes së çështjes së emrit, ndërmarrjen e masave të caktuara për ballafaqim me irredentizmin dhe mosbesimin nga të dyja palët me organizimin e takimeve të ekspertëve për tema të drejësisë, historisë dhe teksteve shkollore.

Në takimin me ndërmjetësuesin Nimetz, ministri Kotzias ka thënë se emri dhe përdorimi i tij, gjuha, nënshtetësia dhe shkurtesat janë pjesë të kontestit të emrit ndërmjet Maqedonisë dhe Greqisë.

Ndërsa në Athinë, partia opozitare Nova Demokratia vazhdon me akuzat deri te Qeveria greke, ndër të tjera edhe për kontestin e emrit me Maqedoninë, ku Jorgos Kumucakos e përdori këtë çështje si shembull për të treguar se nuk ka pozitë të përbashkët dhe unitare në Qeverinë e Greqisë./Telegrafi/