Prezantohen masat e Qeverisë për zvogëlimin e ndotjes së ajrit në Maqedoni

Grup të zgjeruar punues interdikasterial përveç me përfaqësuesit e institucioneve shtetërore edhe nga shoqatat qytetare, bashkëpunim më i madh me vetëqeverisjet lokale, përpunim paralel të planit të ri kombëtar për mbrojtje të ajrit dhe ndryshimeve ligjore për zbatimin e masave të cilat do të fillojnë, janë një pjesë e hapave të para të Qeverisë në përballjen me problemet e ndotjes së ajrit, përcjell Telegrafi Maqedoni.

“Komisioni ka për qëllim të ndihmojë që të ndryshojnë praktikat në sfera të ndryshme, por edhe të ndryshojnë shprehitë te të gjithë ne. Sferta të cilat janë të parapara për veprim, për rekomandime dhe masa janë vatrat vendore, transporti, kapacitetet industriale, ndvrtimtaria, trajtimi i mbeturinave, ngritja e vetëdijes publike dhe edukimi:, tha në konferencën e sotme për shtyp zëvendësministri për mjedis jetësor dhe planifikim hapësinor, Jani Makraduli.

Paralajmëroi edhe zbatim të zgjidhjeve bashkëkohore teknologjike dhe inovative dhe ndërmarrjen e aksioneve, të cilat do të jenë themelore në bazë të parametrave dhe të dhënave reale.

“Nëse nuk ndërmerren masa ekziston mundësi reale për përkeqësim të cilësisë së ajrit, i përbashkët është interesi dhe po fillojmë proces të përbashkët për përballjen me këtë problem”, tha Makraduli./Telegrafi/