LAJMI I FUNDIT:

LR-PDSH shndërrohet në ‘Aleanca për shqiptarët’

LR-PDSH shndërrohet në ‘Aleanca për shqiptarët’

LR-PDSH ka vendosur të ndryshojë emër dhe kjo ka ndodhur me vendimin e kuvendarëve të Kuvendit Qendror, shkruan Telegrafi Maqedoni.

”Në bazë të vendimit të Kuvendit Qendror të LR PDSH-së si organ më i lartë i partisë mes dy Kongreseve, si dhe pas përfundimit të procedurave juridike, bazuar në kërkesën e kuvenendarëve, të cilët në mënyrë unanime përkrahën emërtimin e ri të subjektit politik tani më me emrin:
Aleanca për Shqiptarët. Po ashtu në mbledhjen e Kryesisë Qendrore, u bisedua edhe për zgjedhjet lokale, si dhe mundësitë e koalicionimeve me subjektet tjera politike që për qëllim do të kishte ndryshimin e aspektit të menaxhimit të Komunave për të mirën e qytetarëve si dhe mundësitë që Aleanca për Shqiptarët të fitojë sa më shumë Komuna urbane dhe rurale.” thuhet në njoftimin e dërguar Telegrafit në Maqedoni nga Qendra për Informim në këtë parti. /Telegrafi/