I bie telefoni nga 3350 metra lartësi derisa po filmonte nga aeroplani, filmon gjithë “fluturimin” dhe i reziston përplasjes në tokë (Video)

Një telefon i mençur mrekullisht i ka mbijetuar përplasjes në tokë nga një lartësi prej 3350 metra, dhe gjatë rënies në tokë ka filmuar gjithë “fluturimin”.

Blake Henderson nga Nashville i Shteteve të Bashkuara po filmonte me telefon nga dritarja e një aeroplani të vogël, kur rastësisht i rrëshqiti Smasung Galaxy S5 nga dora dhe i ra nga një distancë prej 3350 metra, transmeton Telegrafi.

Nipi i Hendersonit, Robert Ryan ka postuar videon në YouTube, ku shihet aeroplani duke u rrëshqitur nga dora dhe duke rënë nga lartësia e madhe dhe duke e filmuar të gjithë fluturimin deri në tokë.

Por, ajo çfarë është për tu habitur është fakti se si telefoni i mençur i ka mbijetuar përplasjes në tokë, duke marrë parasysh faktin se ka rënë nga 3350 metra lartësi.

Këtë telefon të shumëpërfolur e kanë gjetur dy burra të cilëve u ra në oborr derisa ata ishin duke e prerë barin.

“Si dreqin ra këtu ky telefon. Ky telefon nuk është i imi”, dëgjohet duke thënë njëri nga burrat. /Telegrafi/