Ministri Taravari kërkon dëshmi prej OBRM-PDUKM-së për akuzat e tyre

Pas akuzave të përsëritura nga ana e OBRM-PDUKM-së, për një rast, ku sipas tyre, ka humbur jetën një person i moshës 25 vjeçare si pasojë e neglizhencës dhe pa aftësisë së mjekëve në Klinikat e Shkupit është përgjigjur Ministri i shëndetësisë, Arben Taravari, përcjell Telegrafi Maqedoni.

‘Përshëndetje VMRO, jam këtu në Gostivar dhe Shkup, secilën ditë në punë, asnjë ditë të vetme nuk kam qenë në pushim, ju informoj. E dyta, tregoni cila është ajo paciente që ka vdekur nga helmimi në gjak, a ka emër dhe mbiemër, nëse ka duhet të lajmërohet në organet kompetente që të ndërmerren masat. Megjithatë edhe ju e dini se nuk ekziston rast i tillë. E treta, ju nuk keni besueshmëri dhe relevancë të flisni për etikë dhe moral, ju kam dëgjuar gjatë gjithë vitit se si keni montuar raste, keni vjedhur dhe arestuar, në vend që të tregoni përalla për fëmijë, filloni të reformoheni dhe të pastroni rradhët tuaja nga kriminel dhe hajdut sepse e di se edhe në mesin tuaj ka njerëz të ndershëm që duhet të jenë opozitë konstruktive. Dhe për fund, e pres interpelancën, është koha’, u shpreh Taravari./Telegrafi/